|
إضافة رد |
| LinkBack | أدوات الموضوع | انواع عرض الموضوع |
![]() | #823 | |||||||||||
![]() ![]() ![]() ![]() ![]() غيّمُ السّلام.
| ![]()
، * أهلًا مجددًا .. خاطري أفضفض شوي، مع ان الاحتمال الاكبر محد بيقرأ كالعادة! لكن مايهم لأني امر بحالة من الخوف على أهلي وناسي وربعي وكل عزيز علي، بل حتى على نفسي .. أدري هالشي من الشيطان، وقاعدة اتعوذ من ابليس كل ما حسيت ان هالافكار سيطرت عليّ بس فعلًا أحسني اواجه مشكلة في التخطي من الصدمات اللي قاعدة تصيبني! وايد ناس قاعدين يموتون من حولي، والمشكلة فجأة وبدون مقدمات أو ممهدات لموتهم! في هذه السنة شهدت أكثر من حالة وفاة لشخص شفته يتحرك قدامي بكل قواه وعنفوانه في الحياة .. يعني مثلًا بدأ الموضوع بوفاة دكتورتنا في الجامعة، اللي علاقتي فيها سطحية .. لكن بحكم ان تخصصي عملي أكثر من نظري، احتكيت فيها بالواقع وسولفت وياه، وفجأة بدون سابق انذار توفت وما كملت معانا لين تسليم الدرجات .. بعدها بفترة، جارنا اللي ساكن بالمنطقه اللي انا فيها .. كل يوم من الصبح اشوفه وانا طالعه للدوام وهو يتمشى بالكرسي المتحرك ومعاه العامله تدفه ظاهريا ما يعاني من شيء لكن يمكن المشكله بالمفاصل، وفجأة بدون سابق إنذار شفت لوحه مكتوب "عزاء فلان" وسهم على بيته! قبل كم شهر، كنت بأحد الفعاليات الدينية، فجأة من غير سابق إنذار الكل قام من مكانه واصوات صياح .. الناس قاعدة تطلع من المكان وانا ماعرف شالسالفة! بعدين انصدم ان صديقتي ورفيقة دربي واختي توفت!!!! وفي شو توفت؟ في نفس الفعالية الدينية ولكن بمكان ثاني والخبر وصل للناس اللي معاي وكلهم طلعوا .. صغيرة ، بعمري ، مافيها أي شي .. فجأة الموت خذاها! ما صدقت .. رحت شفتها بالمغتسل، وللحين صورتها ببالي .. أمها يا قلبي الله يصبرها، أول ما شافتني انفجعت، تشوفني وتتذكر بنتها .. تقول لي تعالي شوفي صديقتج شصار عليها! ما نمت ليلتها، وما طلعت من بالي ولا لحظة، ما ادري اصيح عليها .. أو اصيح على نفسي؟ الواحد ما يدري بأي لحظة يموت، وبأي مكان وبأي كيفية، انا في غربة، شو لو يصير لأحد من أهلي شي لا سمح الله! كيف بقدر أكمل حياتي! هواجس وهواجس وهواجس .. فكرة تجر فكرة، نسأل الله حسن الخاتمة. ![]() | |||||||||||
![]() |
![]() | #824 | |||||||||||
![]() ![]() ![]() ![]() ![]() غيّمُ السّلام.
| ![]()
اليوم طاقتي عاليه والسرور يشع من عيوني وحتى الطريق اليوم تأمُله جميل، وأم كلثوم وهي تردد بصوتها اللي يدفعني للانبساط - كُنت بشتاق لكِ وأنتِ هِنا - والصدق سعيدة، سعيدة، سعيدة! الحمدلله ![]() المهم الوضع حاليا كالتالي : تهريب اكل المطعم للبيت اصعب مهمة، حتى اصعب من تهريب الممنوعات، بوجود القائدة، وفوقها شي دسم ما احبه ![]() ![]() اه بالعافيه عليها شقول بعد ![]() يلا تصبحون على خير يا دُنيا ![]() | |||||||||||
![]() |
![]() | #825 | |||||||||||
![]() ![]() ![]() ![]() ![]() غيّمُ السّلام.
| ![]()
يا الله، وأنت رَبِّ هذه الحياة ومقدرها ومُسيّرها، وكل شيء عندك في كتاب سبق وجودنا فيها، نسألك في كل أمر أن تُضيء لنا الطرقات، بنورك الذي يبدد الظلمات، وأن تختار لنا ولا تُخيّرنا، فخيرتك الحكيمة هي مطلبنا ومرادنا، فإنك تعلم ولا نعلم، وأنت علام الغيوب. ![]() | |||||||||||
![]() |
![]() | #826 | |||||||||||
![]() ![]() ![]() ![]() ![]() غيّمُ السّلام.
| ![]()
دائمًا أحرص على توثيق اللحظات بالصور، لكني ضد نشرها للعلن، وأعتقد كل شيء يُنشر للعلن يفقد بريقه .. ولهالسبب .. قررت انزل بمدونتي الجميلة لقطات خفيفه من يومي بين فتره وفتره وعلى حسب المزاج ![]() ماراح انزل كل اللي اصوره طبعًا! لكن الشيء اللي ودي اشاركه معاكم ![]() وايضا انا مُمتنة لجميع التقييمات، شكرًا ![]() | |||||||||||
![]() |
![]() | #827 | |||||||||||
![]() ![]() ![]() ![]() ![]() غيّمُ السّلام.
| ![]()
- انا شفت فيديو بالصدفة على الانستا فيديو "على اساس" انه مُضحك ان شخص قال ان شخصية باربي بتلبق على بنت نحيفة ف هو شاف بنت سمينة لابسه فستان وردي قال انتِ مو لازم تلبس وردي انتي لازم تلبسي بنفسجي نفس بارني! كون بارني كبير وسمين! طيب وين المضحك بالموضوع! والغريب اني شفت كثير ناس بالتعليقات يضحكوا! الشخص اللي نزّل هالفيديو واحد وقح ومو متربي! من هذا الشخص اللي معطي نفسه صلاحية انه يعلق على الناس! يا اخي والله العظيم انا تعلمت من وانا صغيرة، ما اقول او اكتب كلام واستهزء على اشكال الناس ان كان فيهم مرض او هم حابين شكلهم كذا! لأن بالمختصر انا مالي دخل فيهم واللي فيه مرض الله يعينه! وفي ناس جاهلة وكثيره هالناس! مفكره لو علقت على اشكال الناس راح تكون خفيف دم! بس هي بكل بساطة وقاحه! وقاحه وقاحه! وانا تنرفزني هالنوعية من الناس! ليش نحفانة؟ ليش سمنانة؟ ليش سمرانة؟ ليش وليش؟ كلوا هوا مُمكن!!! يا اخي شو دخلك انت؟ هي كذا انت شدخلك! ان كانت حابة هالشي او ان كان مرض، انت مالك دخل ومحد طلب منك ابداء اي رأي أو انك تتمسخر! وتسوي نفسك انك خفيف دم على حسابها! جد لحد يسكت لحد يستهزء على شكله او بيقول له ليش انت كذا؟ وعلى فكرة في كثير كلام ينقال بالمزح، بس ملغم بمعاني مابين السطور حتى هذا لا تسكتوا عنه. لان والله العظيم السكوت على هالاشكال بتأثر على صحتكم النفسية وراح تدفعون حقه. بتقولوا ما بتتأثروا؟ مافي بني ادم على وجه الكرة الأرضية ما بيتأثر من كلام العالم! بتسوي نفسك مو فارقه معاك قدام الناس هي قوة شخصية بس لما تكون بروحك راح تفكر بالكلام! ومن هالبني ادم اللي الله خلقه بيستاهل انك تسكت له لأنه خلاك ولو للحظة انك تفكر بالموضوع وتشكك بنفسك؟ ردوا عليه بثقة وبكل أريحية انت سمنان، ايوه انا احب الاكل، انا احب كون مليان انت نحفان، اي انا ما اكل كثير، انا احب اجسام عارضين الأزياء عطوهم مثل كذا ردود بنص وجههم! وفي مقولة والله ضحكتني كثر ماهي حزنتني!. ان مشكلتي الوحيدة بهالأيام ان اهلي ربوني زيادة عن اللزوم ولو مو بتربيتي والله العظيم كنت راح اطلع لهم مئات العيوب بخلقتهم، بجسمهم، بفكرهم، بمنطقهم! واللي يستهزء عباله ان هو كامل؟ انا اضمن لكم ان مثل كذا شخص اكثر شخص يكون فيه عيوب! اكتفوا بالردود تكون دوبلوماسية او مضحكة بس من وراها رد واضح، ان يا فلان مالك دخل. لأن جد وصلنا لزمن جدا جدا جدا جدا مقرف لدرجة لا توصف! وصلنا لمرحلة ننزل فيدوهات نستهزء فيها على ناس والناس فئة كبيرة يضحكون عليها! والله عيب. ويا كثر ناس في اللي منهم عاشرتهم، حرفيا صارت معاهم أمراض نفسية من ورا كذا تعليقات تقرف! هالناس كبروا ولكن فيهم ضعف بشخصيتهم! يمكن ما يكون واضح للعلن بس بكون داخلي! ف حقيقي وصلنا لمرحلة نضحك على كذا فيدوهات وكذا تفكير وكذا منطق؟. | |||||||||||
![]() |
![]() | #828 | |||||||||||
![]() ![]() ![]() ![]() ![]() غيّمُ السّلام.
| ![]()
- انا اليوم فرحانه لأني كسرت رقم بالحديد بتمرين ال bench press كرسي نايم ( بدون زاوية ) اليوم انسوا عضلات صدري بس ايدي قدرت تشيل وزن 10 كيلو الحمدلله ![]() ![]() ما تتخيلوا كيف قبل ب وزن 4 كيلو بس ولما اسوي هالتمرين كانت ايدي ترتجف من كثر ما كانت ضعيفة ![]() اليوم انا مو بس حملت الوزن، لا وسويت 15 عدة كاملة وصحيحة ماتتخيلوا شكثر فرحانه وفخوره بنفسي ![]() انا اساسا كان المفروض من زمان اسوي load للوزن لان ما يصير اتم على نفس الوزن فترة طويلة بس كنت خايفة من وزن 10 تخيلوا كيف كنت خايفة ![]() واليوم لو ما كنت معصبة قلت خليها تخرب ![]() وما صدقت كيف حملته ![]() الحمدلله هذا بعد تقوية الجزء العلوي لمدة تصل الى سنتين، الحمدلله بدت تبين النتائج ![]() حبيت شارك معكم فرحتي ![]() | |||||||||||
![]() |
إضافة رد |
مواقع النشر (المفضلة) |
| |
![]() | أصدقاء منتدى مسك الغلا | | |||||