اكثر شي احبه بنفسي
محد ابدًا ايًا كان يقدر يحبطني ويحسسني بالفشل
محد يقدر يخليني اكره نفسي او انتقص منها
او يحسسني بأي شي سلبي اتجاه روحي
هذا الشي يخليني انصدم مرات من اشوف حد
يتأثر بكلام الناس، احسها سالفة غريبة
او اشوفه واصل لدرجة يبغى يأذي نفسه بسبب كلام احد !
احس سهل ما يتأثر بكلامهم ابد ويكون واثق من نفسه
انا مو شخصيتي ضعيفه ابدا ولا قويه جدا بشكل
لدرجة هذا الشي واضح حتى بتدويناتي
وما اشوف الشي له علاقة بقوة الشخصية او ضعفها
لكني شخصيه جبّارة ومحد يقدر يأثر علي أبد
وهالصفة جدا احبها فيني
مهما كان هذا الشي اللي راح اسمعه ماراح احس اني ضعيفه
مهما انتقد شخص شي انا مسويته ما راح اتأثر
ومرات اصلاً يكون حافز حتى اتميز اكثر واغثه !
مهما عيّب شخص على شكلي، تصرفاتي، نُطقي
ما راح اتأثر ايضا وراح يضحكني الموضوع جدا اصلاً !
محد يقدر يحسسني اني ما اقدر،
محد يقدر يحسسني اني فاشلة او غبية او ناقصه
حتى لو تم لبكرا الصبح يتكلم على راسي ما راح يكون في فرق
صح مرات تشوفوني منكسره هنا بالمدونة،
بس ابدا ما يكون سبب انكساري شخص !
لا والله ابدا.
كل الكلام السلبي من اي شخص مستحيل
يأثر علي ولو بشعره وحده وراح يضحكني.
ما ادري ليش اكتب هالتدوينة
بس الواحد يحتاج يمدح نفسه بين فترة وفترة .

في حال ما شفتوا شي لطيف اليوم .
اللطافه كلها بهالبنت !
عسل عسلل .



.



.




المهم هي توريكم كشختها .





-



-



-



-

درجة حرارة الغرفة متزنة (24 سلسيوس)،
والمروحة على أقل درجة.

‏بيرفكت.

هالرفاهية يا الله تصير على نهاية سبتمبر،
هدوء تام من أدخل الغرفة،
استجمام جسدي وذهني.

انا دائما اقول :
اسهل شي عندي التخلي عن الناس
بس اذا فكرت فيها، خلونا نكون واقعيين
مو التخلي عن الناس السهل بس انا اللي مسهلتها على روحي
احمي نفسي عن طريق جعل علاقتي سطحية مع الكل
ابتعد عنهم واحاول ما اخليهم يكونون قريبين مني قدر الامكان
وما يصيرون جزء مني وصعب علي اتركهم واتأذى من يتركوني
احاول قدر الامكان اقلل الناس العزيزة علي،
وما اعطي فرصة لأي احد ياخذ هذا المكان
حتى ما انقهر من يتركوني فجأة او انقهر من يزعلون مني ..
واتركهم بنفسي،
اصلاً من احس اذا استمريت بهالعلاقة بتأذى.
حاليا عندي عائلتي والبدر بس،
وفرحانه لان بس هم اللي يهموني بحياتي !
بس دخلت للسوشل ميديا وانضافت للقائمة بعد ..
صار عندي ناس اكثر ما ابغى اخسرهم
صار عندي ناس اكثر اعزهم، ناس بكل مكان ..
ما اقدر اخليهم ما يعنولي شي .. او ما ابغى اصلاً
ان شاء الله حُسن ظن قلبي بهم ما يكون غلطة
انا اعِزُهم كلهم
ومستمتعة وياهم جدا .

أنا أقوى شخصٍ عَرفته،
وأضعَفُ من سَتراهُ يومًا.

أنا أكثَرُ مَن رأيتَهم تفاؤلاً،
رغَمَ كَوني أكثَرَهُم سَلبية.

أنا الخَيرُ وأنا الشَر،
أنا الظلامُ والنور.

أنا مضاداتُ اللغة​!.