06-27-24, 10:22 AM
| #1633 | |||||||||
 
|  (تحرى الحلال) لما نرجع للحالة اللى كان فيها أصحاب الكهف بعد نوم ٣٠٠ سنة ونتخيل حالتهم الفيزيائية والنفسية والصحية نقدر نفهم إزاى كانو فى أشد الحاجة للأكل.. وعلى الرغم من الحالة دى لكن برده كانو مهتمين يكون الأكل حلال (أزكى طعام).. وبما إن القرآن كتاب للتدبر والفهم وإعمال العقل ولازم نحط نفسنا فى كل آية ناخد هنا درس مهم جدا وفايدة من أصحاب الكهف.. إن الواحد مهما كان فى ظروف صعبة والمغريات حواليه كتير لازم يكون مهتم ومحافظ على الحلال ويتقوى بالله فى الحماية والأمان من فتنة الحرام.. مش شرط جوع بس.. أى احتياج ودى ظهرت معانا فى الآية ١٩ من السورة فَلْيَنظُرْ أَيُّهَا أَزْكَىٰ طَعَامًا فَلْيَأْتِكُم بِرِزْقٍ مِّنْهُ ** أزكى طعام يعنى الأكثر حلال مش الأحلى بس | |||||||||
 |
|
06-27-24, 10:24 AM
| #1634 | |||||||||
| (النتائج على ربنا) أول وصية وردت فى سورة الكهف لسيدنا النبى عليه الصلاة والسلام (ولينا طبعا بالتبعية) إننا نعمل اللى علينا بس وما نشغلش نفسنا بالنتيجة.. ودى ظهرت معانا فى الآية رقم (٦) فَلَعَلَّكَ بَاخِعٌ نَّفْسَكَ عَلَى آثَارِهِمْ إِن لَّمْ يُؤْمِنُوا بِهَذَا الْحَدِيثِ أَسَفًا مفهوم_الآية وصية ونصيحة لسيدنا النبى إنه ما يزعلش نفسه بسبب رفض الناس لدعوته وإن دوره هو الدعوة للتوحيد وبعد كدة كل واحد حر.. وبما إن القرآن كتاب للتدبر والفهم وإعمال العقل لما نحط نفسنا فى الآية دى نفهم إن المطلوب مننا السعى والمجهود والإخلاص فى العمل ومسألة النتائج دى نسيبها على ربنا عز وجل.. وهنا فيه نصيحة مهمة جدا للناس اللى بتقدم (محتوى مفيد وهادف) على السوشيال_ميديا وتحديدا الناس اللى مهتمين بمسألة #معركة_الوعي.. محدش يشغل دماغه بالتفاعل واللايك والشير لأن العدد عمره ما كان مقياس للنجاح المهم الرسالة توصل وتتقال.. ونعمل اللى علينا من غير يأس ولا إحباط ونسيب النتايج على ربنا عز وجل.. ملحوظة * طبعا مطلوب دراسة النتائج قبل أى خطوة لأن غير كدة يعتبر مجهود على الفاضى.. كلمة (بَاخِعٌ نَّفْسَكَ) يعنى إنت هتموت نفسك من الحزن بسببهم.. | |||||||||
| |
|
06-27-24, 10:25 AM
| #1635 | |||||||||
| (سر الاستعانة بالمشيئة) فيه عندنا قوة روحية لما بنعمل أى حاجة وهى الاستعانة بمشيئة الله عز وجل.. لما الواحد فينا بيقدم المشيئة قبل ما يعمل أى حاجة ببساطة كدة الواحد بيقول لربنا إنه محتاج مساعدته وتوفيقه فى الموضوع اللى ناوى عليه.. بالمثال كدة (ولله المثل الأعلى) تخيل لما يكون ليك مصلحة أو خدمة وعندك واسطة أو معرفة شوف إزاى حاجتك بتمشى أسهل.. طب ما بالنا لما يكون المصلحة أو الموضع ده ربنا عز وجل هو واسطتك (ولله المثل الأعلى) شوف مدى السهولة واليسر اللى هتلاقيه.. والكلام ده ظهر معانا مرتين فى سورة الكهف.. - وصية ربنا لسيدنا محمد ولينا فى تقديم المشيئة قبل ما نعمل أى حاجة وَلا تَقُولَنَّ لِشَيْءٍ إِنِّي فَاعِلٌ ذَلِكَ غَدًا إِلاَّ أَن (يَشَاء اللَّه).. - تأكيد سيدنا موسى للعبد الصالح إنه هيقدر يصبر ويتحمل صعوبة الرحلة التعليمية.. قَالَ سَتَجِدُنِي (إِن شَاء اللَّهُ) صَابِرًا وَلا أَعْصِي لَكَ أَمْرًا.. لذلك أى حاجة الواحد بيعملها ويقدم معاها المشيئة بتكون سهلة ومتيسرة وماشية أحسن مما يتخيل.. ولو الحاجة دى ما حصلتش بيكون البعد عنها أحسن للواحد حتى لو شايف العكس من وجهة نظره.. | |||||||||
| |
|
06-27-24, 11:01 AM
| #1636 | |||||||||
| (صناعة الأمل واليقين بالله) لما نركز فى طريقة عرض سورة الكهف وهى بتوصف (تفاصيل) نوم أصحاب الكهف والظروف اللى كانت محيطة بيهم يفتح عندنا باب للأمل فى رحمة ربنا وقدرته عز وجل فى تغيير كل الظروف والأوضاع المحيطة بينا.. وعشان نفهم الهدف من البوست لازم نعرف إن أسلوب القصص القرآن بيكون (ملخص) ودايما بيتجاهل التفاصيل الغير مفيدة فى القصة لكن لما يتم عرض أى تفاصيل في القصص بيكون ليها حكمة فى توصيل رسايل.. ازاى.. طريقة عرض تفاصيل نوم أصحاب الكهف سواءا فى مكانهم داخل الكهف أو زوايا سطوع الشمس وهما بيتقلبو وحماية الكلب ليهم وباقى التفاصيل الهدف منها توصيل رسالة ربانية لتوضيح الأسباب اللى ربنا سخرها ليهم عشان ينامو الفترة دى كلها ويتحقق دعوتهم لما طلبو من ربنا {ءَاتِنَا مِن لَّدُنكَ رَحۡمَةٗ وَهَيِّئۡ لَنَا مِنۡ أَمۡرِنَا رَشَدٗا}.. وبما القرآن كتاب للتدبر والفهم وإعمال العقل وكل واحد فينا بيحط نفسه فى كل آية ويفهم إنه مخاطب بيها يطمن لقدر الله وكل شوية يفتكر لما فتية الكهف طلبو من ربنا المدد والعون ربنا غيرلهم كل الظروف الطبيعية والبيئية والفيزيائية والمناخية.. الخلاصة.. اطلب من ربنا المدد والعون بصدق واخلاص واطمن تمامآ فى قدرة ربنا عز وجل يغيرلك كل الظروف المحيطة بيك عشان يحققلك طلبك.. وده يأكد لينا إن الأمل دايما موجود طول ما الواحد عنده ثقة ويقين ولازم الواحد يحسن الظن بالله.. | |||||||||
| |
|
06-27-24, 11:03 AM
| #1637 | |||||||||
| (الأخذ بالأسباب) اللى يركز في قصة ذو القرنين فى سورة الكهف يعرف إن القرآن والدين مع الأخذ بالأسباب وبيأكد على أهمية العلم والتكنولوجيا والتطوير والتحديث.. وإن القرآن والدين ضد شغل الدروشة والفهلوة والتواكل والكسل.. وعشان نفهم ده فى قصة ذى القرنين لازم الأول نتفق على (حاجتين مهمين).. أولآ.. محدش يشغل باله مين هو ذى القرنين مع كامل الإحترام لكل الاجتهتدات لكشف شخصية ذى القرنين لأن بمنتهى البساطة القرآن لم يذكر شخصية ذى القرنين يبقى مش مهم نعرف هو مين.. ثانيآ.. نتعامل مع ذى القرنين على إنه فكرة أو أسلوب حياة اكتر منه شخص، يعنى ذو القرنين بيمثل كل شخص فينا بيتدبر القرآن وذى القرنين هو كل مدير أو قائد أو شركة أو دولة وده من أهم شروط التدبر اننا نحط نفسنا في كل آية فى القرآن.. طب إيه علاقة ده بالاخذ بالأسباب ؟ لما نتدبر قصة ذو القرنين هنلاقي القرآن ركز اوى على إن اتباع الأسباب والأخذ بيها كانت السبب في فى تجربة حياة ذى القرنين الناجحة بعد توفيق ورحمة ربنا طبعا.. - إِنَّا مَكَّنَّا لَهُ فِي الأَرْضِ وَآتَيْنَاهُ مِن كُلِّ شَيْءٍ (سَبَبًا) الكهف ٨٤ - فَأَتْبَعَ (سَبَبًا) الكهف ٨٥ - ثُمَّ أَتْبَعَ (سَبَبًا) الكهف ٨٩ - ثُمَّ أَتْبَعَ (سَبَبًا) الكهف ٩٢ | |||||||||
| |
|
06-27-24, 11:04 AM
| #1638 | |||||||||
| (الانطلاق - السرعة - الانجاز) اللى يركز في قصة سيدنا موسى والعبد الصالح هياخد باله إن القرآن استخدم لفظ (فَانطَلَقَا) في بداية التلات رحلات اللى قامو بيها.. ازاى - رحلة السفينة (فَانطَلَقَا) حَتَّى إِذَا رَكِبَا فِي السَّفِينَةِ خَرَقَهَا - الآية ظ§ظ، - رحلة قتل الغلام (فَانطَلَقَا) حَتَّى إِذَا لَقِيَا غُلامًا فَقَتَلَهُ - الآية ظ§ظ¤ - رحلة قرية البخلاء (فَانطَلَقَا) حَتَّى إِذَا أَتَيَا أَهْلَ قَرْيَةٍ اسْتَطْعَمَا أَهْلَهَا فَأَبَوْا أَن يُضَيِّفُوهُمَا - الآية ظ§ظ§ الدروس_المستفادة - لما يكون عندنا الفرصة للتعليم أو الاستفادة من حد ننطلق.. - ما نضيعش وقت وننجز فى أى حاجة مفيدة لأن محدش يعرف امتى ظروفه هتسمح له تانى بكدة.. - نفتكر إن الحاجة السهلة المتاحة انهادرة ممكن بكرة تكون صعبة.. - الواحد دايما يخليه إيجابي وشايف بكرة والمستقبل ويقتنع تمامآ إن الماضى لن يعود مهما حصل.. - مانضعش وقت فى الهرى والكلام الفاضى مع الناس المحبطين النكديين ونركز مع الناس المفيدة اللى نتعلم منهم. إنطلق.. أسرِع.. إنجز.. | |||||||||
| |
| إضافة رد |
| مواقع النشر (المفضلة) |
| |
 | أصدقاء منتدى مسك الغلا | | |||||
2821Likes
