طفت الكهربا..

لا تدوّر عن العوض و الجبر بالشارع ..

صح في بيوت تعاني من الجفاف العاطفي ..

و تتعامل مع أفراد العايلة ببعض القسوة و الحرمان بالجانب العاطفي ..

حتى يخرج الفرد منهم من بيته .. ملهوف و عطشان و جوعان لأي اهتمام يشبع حاجته ..

على اختلاف الأعمار مو بس المراهقين أو الشباب ..

حتى الشياب .. يصير مراهق لما يلاقي اهتمام حتى لو مفتعل .. و يخق من زود الشفقة على شوية اهتمام و حنيّة

مو كل الناس تتعامل بالعقل ..

في ناس طبيعتها عاطفية .. و حرمانها من هذا الجانب هو اللي يخلي القلب يغلب العقل حتى لو أعقل خلق الله ..

البيت مسؤول عن هالجانب و إشباعه ..

سواء كنت زوج أو زوجة

أم أو أب

حتى ابن أو ابنة ..

كلّن و دوره المسؤول عنه ..


و الأكيد إنه هذا مو مبرر للانحراف السلوكي ..

لكن المسؤول يتحمل جزء من الحساب .. لأنه قصّر في دوره

وقت مضى


عادي أجاري حرفك ؟!

تقول : آه يا صورته


و انااقول : آه يا صوته ..


الصورة تشقها ..

و الرسايل تحرقها ..

بس الصوت اللي تخلل و سكن كل خلية

و الهمس اللي تطمّن له كل ظنّ ..


ايش يشلعه من داخلك ؟!

أي سيل من النسيان يمحيه ؟!

و اهو صداه ما انقطع .. و لا بيوم صوته سكت


..


و السموحة يا أستاذ وقت مضى .. تطفّلنا على مدونتك

هل صارت معاكم و شطحتو بالخيال و الفكرة

و اشتقتوا تعيشون لحظة و موقف مرت عليه سنين من جديد


أتوقع وايد منكم بيجاوبون : إي أو إيه أو يِس أو آبسِلوتلي

هذوله ربعي

تعالو بسولف معاكم


كانت تدرسني مدرسة مصرية نسيت اسمها
تدرسنا انجليزي

و كل لهجة طبعا لها تأثيرها على النطق بأي لغة رسمية ..

فكانت هالأبلة لها طريقتها بلفظ الكلمات ..

كانت شديدة و حازمة بس فيها حنّية ما يحسها إلا الحساس ..

و كانت تجتهد عشان توصل لنا طريقة النطق الصح

لكن اللهجة أكيد تغلب ..

اليوم جت على بالي و انا اسولف عنها

و صج صج ( يعني صدقاً ) تمنيت و اشتهيت اعيش ذيك الأوقات ..

حتى مرة طلبت نعبر بسطرين عن رأينا بأي مسلسل نحبه

و انا أم صماخ جبت اسم مسلسل كويتي و إلا أبي ترجمة لإسمه

و خليتها تحتاس معاي

كان من قوانين حصتها إنه ما نتكلم عربي إلا في ضرورة قصوى و بإذن
عاد اخذوا من البدليات عشان تفهمني و افهمها

صرنا بمثلث برمودا للغات

انجليزي و مصري و كويتي

آخر شي قالت بلهجتها : يا بنتي بلاش المسلسل ده .. مالها ليالي الحلمية

بجد ودي التقي فيها الله يذكرها بالخير


أظن كانت مِس سامية !

العين حق


بس ينحسد قروب وتسآب و يمرضون كل اللي فيه

بعد إضافة عضو مستجد !!!


جديدة هذي !


عيون حارة عبر شبكات التواصل


قل أعوذ برب الفلق

من اللي مقيمني و يقول : مخبية الثرثرة


مدوناتي السابقة كانت تشكو من زود الثرثرة

شكلك متابع مشغول و سارح أو بتحط لايكات بدون ما تقرا






لوهلة تذكرت معرف ( سارح في الملكوت )

من يعرفه و بأي منتدى ناسية

للعلم

خبرتي صفر بالألعاب

لكنها أحسن طريقة لحصد مشاركات و الوصول للخمسمياية

يعني غشيمة ما علي عتب و لا شرهه

و عادي اقلبها جد و ازعل او نقاش او اكتب خواطر باللعبة