طفت الكهربا..

ودي أصدق إني نسمة و رقيقة .. و كيوت بعد


بس أنا بالواقع فوضوية و بداخلي عافور .. بس مسيطرة على عوافيري و عفاريتي


أفلتهم للضرورة .. و للضرورة أحكام

تقول مرارة سكاكر في مدونتها

إنه قص الشعر يغير النفسية

و هذي حقيقة ..

و كذا مرة تصير معاي

و مرة بالغت .. و حشيته حش

عاد احنا في زمن الرياييل تطول شعرها

و النسوان تحشه ع الصفر

انا ما حشيته ع الصفر لأ بس ظ¢ فاصلة ظ¦

حقيقة كان شعور حلو كل شي سريع سريع

بس هي مرة و ما عدتها و لو انه نفسي تراودني بس فشله يصير شعر اخواني اطول من شعري

كانت من مميزاتها محد يقدر يمسكني من كشتي خصوصا لما نتهاوش

الحين حاير النظرة نفسه طاغي النظرة ؟!

ناقصنا حاد النظرة

في سؤال


مشتاقة أسألك


بس أدري


مات الجواب

و ما راح اسمعه


ف


ليش اسأله !

في سؤال بقسم النقاش اللي ما فيه نقاشات حاليا بسبب غياب أبرز المناقشين ..

طرحت ساندي سؤال :

الموضوع بالنسبة لي يعتمد على الشخص المقابل

إذا الماضي ممكن لو انعرف في وقت لاحق ممكن يؤثر عليه

الأفضل نفتح الكتاب كله و نبتدي من الصفر و على ورق أبيض

يعني يعرف أدق التفاصيل

إذا عنده رغبة بالاستمرار .. نستمر بدرجة عالية من الالتزام و الاخلاص

مو متقبل .. نسكر كتاب الماضي و الحاضر و المستقبل و كل واحد يروح بطريجه

الذكاء هنا له دور كبير في حال قررا الاستمرار ..

لأنه الإنسان معرض للتغيير و تمر به أحوال ..

يعني ممكن هالماضي رغم تقبله يتعكر الصفو بيوم و تتداعى الأفكار السودا

الذكاء و الحكمة و النباهة في التعامل مع اللحظة و الحالة .. لها دور في ترسيخ العلاقة و تجاوز المطبات ..

،،،،،،،،،،