طفت الكهربا..

السلام عليكم

بس حبيت أعرفكم بنفسي

أنا حواء

اللي هي eve

لكن بحيلة مشروعة

حبيت أفتح مدونة للهذرة و السوالف

أشارت لنا الشيخة النايفة بهذا الاقتراح المناسب - شكله الكل ماشي على هالنهج بس انا مفهية و ما طرا على بالي

المهم..

حياكم آل المسك..

مو قلتلكم مفهية

من أولها خربطت بالاسم

و طلبت تغيير كلمة المرور


الحين شلووون احفظ الباسوورد اللي حدده لي السستم !


لكن لعيون السيفتي .. نحفظه بالملفات

انتو المولّد اللي نشحن منه طاقة للمواصلة يا أصحاب التقييمات اللي أساميهم مو ظاهرة لي


الله يالدنيا

أول مرة أحس بإحساس المستجدين بعيد الشر عنكم تمشي بنص عين

تتخبط و الناس تقيمك و ما تدري منو

نوعا ما فلم رعب

نجمة هو في زيك زي

شاطرة كتبت اسمها بالتقييم نفسه ..

منور فيكم المكان


ع فكرة


نور الكهربا غير عن نور الأرواح .. هذا الأخير نابع من نقاء السريرة و شفافية الروح ..

يعني في ناس بعز الظلام و الظلم .. ينورون حياتك ..

بس يكفي تحس بوجودهم و حضور أرواحهم ..




فديتكم أصحاب التقييمات الثلاثة ..

يقولون إنه أكثر ناس يتعرضون للتنمر هم المستجدين


طيب المتنمَّر عليه .. عنده حل من ثلاثة


يا يقوي قلبه و ينطح النمر

أو يشتكي للإدارة

أو يبلعها و يبكي بالزاوية

ما نقدر نقيّم أحد

الله يبارك فيك يا طويلة العمر النايفة

هالمعرف و المدونة يدينون لكِ بوجودهما !

يعني إنتي العرابة و الأم الروحية لي - فرصة أسوي نفسي نونو -