انحياد دائماً.

-


امل / واجم/ رايق

-



ايضاً لا شي يذكر

من الاشياء اللي علمتها نفسي وقت ما اكون متوترة
وكثيرة تفكير واجهل سبب توتري وتفكيري ويكثر علي
كل شي حرفيا ما اتهنى ب قهوه او مسلسل او اي شي
بالي وعقلي بشي ثاني ..
اني افرغ طاقتي ب حاجة ثانية وهالشعور من امس
ملازمني واليوم زاد ايضاً
ف قررت اني انظف اصعب غرفة عندي بالبيت بدون
مساعدة احد واني اسمع بودكاست بدل م اسمع اغاني
اجرب واسوي اشياء ماقد جربتها


والعاملة من جت عندي قبل شوي
وجهها منصدم لاني موكلتها بهالغرفة
حتى انا منصدمة معها.

-
سمعت بودكاست يقول
ان السهر هو احد الأسباب الرئيسية للاكتئاب والحزن!
يعني مشكلتي بس السهر ؟
طيب عدلت نومي ولا تغير شي !
يعني اذا ماسهرت راح تتعدل اوضاعي كلها
يلا بروح انام لين كل شي يتعدل
وبعدها اصحى

-


هالفتره احس اني صرت اكثر وعي بالجانب النفسي
وقاعدة ادور الاشيا اللي تسعدني وتريحني وبنفس الوقت
افرغ هالكبت بداخلي ، الامومة رائعه لكنها تسرقني من نفسي
رغم اني بكل فتره من حملي لحد اليوم وانا احاول اني اعطي
كل مرحلة حقها من الشعور والوقت ،،
لي فترة طويله الاشيا اللي احبها ماعدت امارسها
اليوم وبعد فترة طويلة جداً جداً جداً جداً
طلعت لحالي فقط بدون اشخاص بدون تفكير تركت كل شي
كانت اول مره اطلع بدون اشخاص لوحدي
بدون البيبي بدون العاملة بدون زوجي
حسيت اني رجعت لانا قبل كم سنة
تمنيت لو طلعت ومعي دفتر كان الجو والمكان كل شي مكمل
رائع ، احمل شعور جميل جدا هذا المساء
قعدت وعرفت ان طاقة التفريغ سابقاً ماعاد تنفع معي
ف اتجهت لاشياء ثانية ، امشي لغرض الاستماع للاغنية
امارس اليوغا حتى اتامل ، قاعده اطبق جلسات التامل
بس بصراحه صعبة حالياً لانها تتطلب انك ماتفكر ب ولا شي
وانا اول م اقعد واجهز نفسي افكر بكل شي
ف قررت اني ااجل هذي الممارسة لوقت ما


عموما شعوري جميل جداً
شكرا لتقييم خلاني ابتسم.

-


مو قلت لكم قبل فترة اني صايره بكاية ؟
البكا اليوم انقذني من موقف جداً صعب
اشكر دموعي سيدة الموقف