روايـــــــــــــة ✍🏼 { من قريت الشعر وأنتي أعذبه }

عندما يأتيك الغدر من أقرب الناس إليك كيف سيكون احساسك وما موقفك وكيف ستتصرف ..

������
رواية مميزة جداً وقصتها جديدة حيث سنبحر هذه المره إلى حيث البساطة والقصيد
ملحمة حب هل تُكلل بنهاية سعيدة..

* بطل روايتنا معروف عنه الحكمة رغم انه أصغر إخوانه يتعرض للغدر والخيانة من أقرب الناس إليه وهو المحب لأهله كيف ستكون ردة فعله بعد أن تنكشف كل الاوراق أمامه ...

* بطلتنا تعبت من حياتها حيث يُشار لها دائماً أنها أبنة الراعي وعندما تتمرد ضد جدها رغبة منها في إكمال دراستها يتم نفيها إلى قرية جدها أبو والدها فأي حياة تنتظرها عند أبو عناد ومن الغريب الذي سيجدوه جريح وأي أحداث تنتظر بطلتنا حيث ستنقلب حياتها تماماً

* بطلنا يحب ابنة جارهم من الصغر ومن أجلها أحب الشروق ولكن هناك عوائق كثيرة تمنعهم من أن يكونوا لبعض منها الكراهية الشديدة بين والده ووالدها .. أيضاً استهزاء والدها دائما على بطلنا وخاصة في المجالس فما الذي سيحصل وكيف ستكون نهايته مع شروقه ..

* بطلتنا غامضة تحمل في قلبها سراً كبيراً وتحمل في يديها كفنها بسبب الفعل الذي قامت به فحُكم عليها بالموت فمالذي ستقوم به ومن هو منجدها وكيف سيتم التعرف على مكانها رغم أنها مختبئه خمس سنوات ؟

* بطلنا ينصدم من المخطط الذي يُحاك من أجل التخلص من أبن الشيخ فيقرر أن يدخل مع الخونه في المخطط حتى يستطيع آنقاذه ولكن هل سينجح وما الذي ينتظره ..

* بطلتنا مُدرسة فنية التقت بصديقاتها في سكن الجامعة وربطت بينها وبينهن علاقة صداقة لدرجة انها رجعت مع صديقتها للجنوب حيث تعيش حيث لا يوجد من يسأل عنها وهنا تتبدأ تتغير حياتها حيث تلتقي بفنان مثلها وتبدأ تشعر ان هناك الكثير من الروابط المشتركة بينهم ..

* بطلنا يتعرض للخيانة من زوجته وعندما يكتشف اخو بطلنا الأمر يهددها إما بترك أخوه أو الفضيحة فتقرر الطلاق منه ليتفاجأ بطلنا من ردة فعلها وطلبها الطلاق ولكن بعد تعرض اخو البطل للغدر ستعود بتأليف كلام عن أخوه ظننا منها انه قد تُوفي ..


شخصيات كثيرة تنتظرنا ولكل شخصية قصة وحكاية ..
( غدر ، خيانة ، وفاء ، إخلاص في زمن ندر وجوده ، حب ، صبر ، وتوكل على الله دائماً ، تضحية ، حقد ، حزن ، إنتقام ، مؤامرات )

كل هذا وأكثر سنجده في روايتنا ..

من قريت الشعر وأنتي أعذبه
من كتبت الشعر وأنتي مستحيلة

ممكن دعمكم في الروايه وشكرا لكم

...........
.........

يسلموووو ربي يسعدك شكرا على مروروك

بديرة هشِيمان]

كانت قاعده تمشط شعرها وهي سرحانة وعيونها على وجهها ، وقفت بسرعه وهي تلمه بلا مبالاه ورفعته من على وجهها وركضت بسرعه لتحت لما سمعت صوت جدها اللي غايب من اسبوع
نزلت بسرعه وهي تشوفه يدخل البيت ويجلس بالصالة وعلى يمينه أمل بنته
وقفت وهي تتنفس بسرعه وتناظره : الحمد لله على السلامة ياجد
مساعد : الله يسلمك
جلست جنبه وهي تقول : طالت الغيبة عسى ماشر
مساعد : ابد أمور شِيخة وتلبيه طلبات قبايل ومناصد ، وش تبين
تأففت : طلبي واضح ومن كم شهر اقولك عليه ماهو بمعقول بتظل تنساه كل شوي !
مساعد رفع حاجب من اسلوبها وقال : وانا وش قلت لش! اقطعي الموضوع وانسيه ويكفيش ما درستي
الجادل : بس اللي تقوله ماهو بمعقول ليه اقطعه وأنا لي الحق أكمل دراسة ؟
وقف وهو معصب : لا مالش حق ، أنتي إحمدي ربش تركتش تكملين هالمدرسة دون معرفة أهل الديرة
والا وش بيقولون ؟ حفيدة الشيخ تبي تسري من ديرتها لديرة ثانية لأجل تكلم دراستها ، هزُلت والله
مسحت على وجهها وهي تتراعد من داخلها من صوت صراخه ومن غضبه اللي خوفها ولكنها تحاول تدّعي القوة عشان تاخذ مبتغاها : وش فيهاا لامن سريت اطلب العلم ؟ لاني رايحه أصيع ولا اغازل الا بزيدك شرف ورفعه ، وان كنت حفيدة شيخ
فلي الحق اكمل دراسه مثل ما لبنات القبيلة اللي حرمتوهم من حقهم يكملون
مساعد : يا سواد وجهي يومانك من دمي ، الشرهه مهيب عليك -ناظر لامل-الشرهه ع امك اللي تركت اسياد القوم واختارت الراعي عليهم والا وش نرتجي من بنت راعي ما تعرف للأصول درب
ناظرته بعصبيه ومن اسلوبهم الوقح تجاه ابوها المرحوم اللي بكل مره يذلونه ويجيبون سيرته لها كإهانة : الراعي ذا تاج راس قوم ورجال القبيلة كلهم ما يسوونه ولا يطولونه
أمل وقفت بخوف وهي تشوف ملامح ابوها وسحبت الجادل : انطمي الله يقلعك
مساعد : تعالي تعالي قولي لي وين ابوش،يومنش تشوفين تاج راسنا وينه ما لفش عننا وجاب لش حلال وبيت قبل يموت؟
الجادل قالت : لو ما خذيتوني منه بالغصب كان وفر وما مات من غبنته
ضحك مساعد : يعني كانش تبين تجلسين ببيت الفقر ذاك
الجادل فكت يدينها من يدين امها وقالت : ايوه بيت فقر ويعزني وما يقبل علي الاهانة ولا هالبيت اللي مليان ذل على كل أكله وشربه
مساعد طارت عيونه ووقف عقله عن التفكير من كلامها صرخ بصوت عالي : أمل
لفت له بخوف : سم يبه
مساعد : سم ببدنش انتي وبنتش ناكرة الجميل بنت الراعي اللي بتبقى مذلولة طول عمرها ، عز الله ما تبقى ببيتي من هاللحظة ،انقلعي خذي اغراضها واليوم ، بساعه الفجر هذي يأخذها السايق مع بنته ويوديها لقريه جدها ابوالراعي!
أمل انفجعت من كلامه والجادل ماكانت تظن انه بيقول هالكلام لذلك التزمت الصمت من صدمتها : تكفى يا يبه ، هذي ما تعرف وش تقول ووش تحكي ، خلها عنكً وسامحها على جهلها
مساعد ما ترك الموضوع للنقاش لذلك انهاه بقوله : والله ما تبيت الا ببيت جدها الراعي لو على قص رقبتي ، لفي اغراضها الشخصية وبس ولا تعطينها شيء من حلالي هالراعية