06-03-24, 11:23 PM
| #1 | ||||||||||
  
| 
رفيق الطيف : مُتَنَفّسْ، فَقَطْ لاَ غَير : عابر زماني فيك .......مع رحلة الطيف والي بقالي فالرجا منك.......... ذكراك يا حلمي الي فالمدى غاب ما شِيف نسيت نفسي فيك من قبل لا انساك اذكر زمانٍ .. كان ....كنَّا ....... مواليف حظي قصر دونه ........ وحظك تعداك صحيح انا ما اقبل على نفسي الزيف ودرب الحقايق ... سايره فوقه اْخطاك لكن غرامي فيك،. ما هو على الكيف غصبٍ على نفسي .. شعوري تمناك عشانك ارسم ذكرياتي على السِيف ارسم بها المعنى على شط ...ميناك وأنا على الدنيا واهلها ..... مثل ضيف مرّ بطريقه ........وارتحل صوب الافلاك حجبت رسمك ....عن عيون الملاقيف ما دامني واقف ..... على باب الادراك وانا بعد فرقاك ............مالي محاريف لكن ...... رهنت الحرف لمتابع اخطاك في رحلتي وقت الشتا .ورحلة الصيف أكتب ورى ستر الكواليس، ......وأقراك رفيقـ الطيف | ||||||||||
 |
|
06-03-24, 11:31 PM
| #2 | ||||||||||
| مال الظروف القاسيه غير الصبر ما ينفع المخلوق يا كود الرضا لو ما لقى كسرك من احبابك جبر مهما تضيق الأرض ما ضاق الفضا | ||||||||||
| |
|
06-03-24, 11:47 PM
| #3 | ||||||||||
| لا يوجد هنا سوى بقايا من رماد ساكن آه بل متحجر من زخات المطر ولا اعلم هل يشتعل يوما ما او ينبت الزهر مسكين هذا الرماد أصبح شماعة للندم | ||||||||||
| |
|
06-05-24, 09:17 PM
| #4 | ||||||||||
| : : سألت مره وقلت : يادمعة الغيمه يامطرها وهتَّانها العذب ليش الفراق وليش البعد وانا في عز احتياجي لك ! وكان عذرها للأسف أشد على قلبي من جفاها وقامت تعتذر بالريح وعاصف الصيف وسمومه ولا اقتنعت أنا لان عندي يقين يسكن خاطري ويقول مال الفراق اعذار مهما كان وكيف العذر ينفع ياحضرة الغيمه ووجه الثرى شاحب يعاني من جفافه وتتصدع اطرافه من غيبة الامطار وانا دايم اتسائل واقول متى تسوق ريح الوصل للي ضما غيثك وتفيض ودياني واكتب رضا عمري في صفحة الاعمار تصلح قصيدة امممم : يادمعة الغيمه مال الفراق اعذار وجه الثرى شاحب من غيبة الامطار متى تسوق الريح للي ضما غيثك في صفحة الاعمار :  في صفحة الاعمار لو شفت ياعمَّار يوم انني واقف على الحياد ارقب ملامح الايام وراحت بي ايامي كم مرني من عام : كم مرني من عام ارقب مسير الناس ارقب مسير الناس بين الرجا والياس الي وطى حزنه والي وطاه الياس لكن انا بحالي مع حرفي السالي مالي ومال الكل وماني رفيق الذل انا هنا واقف على الحياد ارقب مسيرة الغيمة من مبدأ الرحله حتى نواة الارض احسب مسافتها حتى نهايتها في طولها والعرض في غيرها مالي في هالمدى سيره لو عذرها البالي محتاج تبريره لكن شعوري صعب يستدركه غيري أو يعرفه منهو يشتاق تفسيري ووصالها اصعب ضاعت بلا عنوان وانا هنا المسجون من بعدها لحالي بين ابجدياتي وانا هنا السجان  وش رايكم لو افتتح مقصف واقول ذا دكان ابيع به مشمش وابيع به رمان ولا افتتح بسطه في آخر الشارع واصير انا الاسطه التاجر البارع ولا اشتري فرخه بيضا وبيّاضه تجيب لي صيصان واقعد اربيها الين ما تكبر وابيعها فالسوق واصير انا الربحان ولا اشتري خرفان ههههههههه انا وين رحت رفيقـ  . | ||||||||||
|
التعديل الأخير تم بواسطة رفيق الطيف ; 06-05-24 الساعة 09:27 PM |
|
06-05-24, 10:00 PM
| #5 | ||||||||||
| ما طاب خاطري للحين احس عندي كلام كثير ودي اقوله بس فيه شي يمنعني مدري وش هو على رغم ان كلامي ما يتعلق باحد غيري ولا يمس احد بظني لاني قاطع كل علاقاتي مع الناس مهو انانيه لكن حياديه ما بقول طاب خاطري من الناس لان فيه ناس ما يطيب منهم الخاطر لكن حتى هم ما عاد لي وصل معهم وصلت درجة اني اذا طلعت من البيت انتظر الوقت الي ارجع مره ثانيه له واذا قعدت مع اهلي انتظر الوقت الي اروح فيه لغرفتي واذا دخلت الغرفه واستلقيت على السرير احس انه اكبر من حجمي ودي ادخل تحته وانام وياكم مره سويتها واكبر همومي يوم يسولف معي احد ااااه اموت الف مره احس الكلام ثقيل علي اثقل من الجبل واحاول انهي الحوار بأسرع وقت الا اذا احد طلب مني نصيحة هنا استرسل له واجيب له امثله يختار منها الي يبي ولا اعطيه مخرج واحد اعطيه اكثر من حل ويال العجب اعرف حلول الناس ولا اعرف لنفسي ودايم اتمثل بقول الشاعر : "اشوف الخطا واجيه كني عليه انقاد وأعرف السنع وادل غيري وانا غادي" وانا يا بالثرى يا بالثريا احيان ينفصخ عقلي واخذ العالم طقطقه رايح جاي خصوصا الي يتعمد مهاجمتي ولاَّ يشوف كثرة سكوتي ضعف ويطمع في هذا اجلطه لو معه دكتوراه بالكاعه اغطّسه بطعس واطلعه يقطر ما لو انهم نادرين الحمد لله ايييييه شكل عندي انفصام يجيب الله مطر . | ||||||||||
| |
|
06-05-24, 10:26 PM
| #6 | ||||||||||
|
. خلني مع الشعر بلا هـ السوالف لا اجيب الغايبه اسمعي مدري شوفي مدري اقري المهم تدرين كيف امرحت واصبحت وامسيت ووش دار في صدري من الليل للصبح ووش مرني في خاطري .يوم سجيت والحزن وجهه يا هوى .....ممتلي قبح مرتني الذكرى .. ببالي ........ وغنيت وذكراك ....تقطف من خساراتي الربح . عارف ما انتي فالديره الي انا فيها وخابر لكن للوهم ، في بعض الاحيان لذه مع نفسي رفيقـ . | ||||||||||
| |
| إضافة رد |
| |
 | أصدقاء منتدى مسك الغلا | | |||||
115Likes
