!.. مما يكتبه ،،،الظـاهـرة،،، غفر الله له ..! - الصفحة 324 - منتديات مسك الغلا

**!..الظـاهـرة..!** · 11-14-23, 04:17 AM

سأل رجل الحكيم :

أنا ضعيف شخصية قدام زوجتي ..
ممكن تعطيني فكرة أو حكمة أكون فيها قوي وأحكمها .؟؟

فكّر الحكيم .. ثم قال له :

طيب لحظة أبروح أغسل الحوش و أجيك ..

**!..الظـاهـرة..!** · 11-14-23, 04:19 AM

آخر شيء .. رجع الرجل للحكيم قال له :

ياحكيم تدري إنّ فيه ناس يتكلّمون فيك ..؟؟؟

ردّ الحكيم :
طزّ فيك و فيهم ..

**!..الظـاهـرة..!** · 11-14-23, 04:29 AM

معك واشتاق لك وشلون وانا بعيد
والمشاعر ضوامي غصب تنساق لك

كل ما ابطت بك الأيام شوقي يزيد
شف جنون الغلا عقبك وأنا عاقلك

فيني شعور أحسّه نابع من الوريد
من يلوم الخفوق إن صار خفّاق لك

ريف قلبي ومرباعه وشوفتك عيد
انت مثل الهواء وارضي والآفاق لك

احترق لك وَلَه والاّ انكتب لك قصيد
والشعر كم تباهى كل ماراق لك

من وداعك ونظراتك رمتني وحيد
غربة شعور يآخي هالجفاء لاق لك

إيه أحبك وأحبك وهمّ احبك واعيد
وحالتي سمها والقلب توّاق لك

شوق لهفه ولَه، دوّرت مابه جديد
ودّي ألقا كلام أكبر من.. اشتاق لك

**!..الظـاهـرة..!** · 11-14-23, 04:32 AM

يراودني شعور إني أغيب وأعتزل وأنساك
من البارح وأنا أفكر وش اللي غير أوضاعي

وش اللي جابني يمك خلاني كذا وياك
و ش اللي بدّل شعور الغلا والقلب من تالي

**!..الظـاهـرة..!** · 11-14-23, 04:39 AM

كأنها مِثلَ ما تهواهُ قد خُلقت
في رونق الحُسنِ لا طولٌ ولا قِصَرُ
الوردُ من خدِّها يَحمرُّ من خَجَلٍ
والغصنُ من قدِّها يزهو بهِ الثَّمَرُ
البدرُ طلعتها والمِسكُ نكهتها
والغُصنُ قامتها ما مثلها بَشَرُ
كأنها أُفرِغَت من ماء لؤلؤةٍ
في كلِّ جارِحةٍ من حُسنها قَمرُ.

**!..الظـاهـرة..!** · 11-14-23, 04:42 AM

تراي اللي رمى عمره ورا عمره عشان تجين
ياكم طاري يجيبك جيت له كلي ولا جابك

يغنّيك السهر في كل ليله ياقمر تشرين
كتب ربي أحبّك ماكتب ربي أكتب كتابك

\| أصدقاء منتدى مسك الغلا \|
مدونة مسك الغلا	مدونات	خطوط عربية	تحميل خطوط	صور سكرابز	خطوط انجليزية
	شات الرياض		شات كتابي	شات سعودي للجوال