!.. مما يكتبه ،،،الظـاهـرة،،، غفر الله له ..! - الصفحة 279 - منتديات مسك الغلا

**!..الظـاهـرة..!** · 10-28-23, 07:15 AM

وين كنتي قبل أعرفك يابنيّه
تاركتني كل هالعمر .. أتشقّى

أحسب أيام العمر راحت عليّه
مادريت إن أجمله .. فيما تبقّى

أشكر أيامي على كبر الهديّه
إثْرها لامن بغت .. تعرف تنقّى

جابتك من نور برقٍ .. شعّ ضيّه
صبّ غيثه بين الأضلاع .. و ترقّى

ياهلا يا قبلة العشق النديّه
يا اتجاهه وين ما وجّه و لقّى

من ضياك .. النور لك ظلٍ و فيّه
من سناك الشمس فــ الغيمه توقّى

كلّ نسمه مرّت أنفاسك عذيّه
ياهناها.. وإن سألتي وش تبقّى

باقي الماء .. لا ظميتي واهنيّه
منك يسقي شوي / وشوي يتسقّى

**!..الظـاهـرة..!** · 10-28-23, 07:20 AM

إلى كلّ من عرض عليّ تبرّعه بطاقته السلبية ..

أبشروا .. أشيلها عنكم ..

بس جالس أفرّغ القديمة اللي عندي ..
باقي منها شوي .. عطوني دقايق بس ..

لاتخافوا ماتطول ..

أعرف لها .. ( ملعونة الثوى ) ..

**!..الظـاهـرة..!** · 10-28-23, 07:23 AM

لاتروووح لاتروووح
لاتروووح لاتروووح
لاترووووووووح

أوووص أووص ..
قربت تطلع ...
هه بتطلع ..

أقصد السلبية ..

**!..الظـاهـرة..!** · 10-28-23, 07:27 AM

مافيكن خير ..!!!

ولا وحدة تعطي ( ضعيف الله )

كوب شاي + ساندويش ..

مانبي أكثر ..!!

بس فالحات ( هنكرة وضحك ) بسسس ..

اعزموني ..
أجي أنا عادي ... ما أستحي منكن ..

**!..الظـاهـرة..!** · 10-28-23, 07:32 AM

السلبية .. الحيوانة ..

تساومني ..

تقول أبطلع ( من عينك )
ودّها تعميني ..

مدّيت رجلي اليسار ..
وقت لها :
اطلعي من أصبع رجلي الكبير ..

حيوانة شكلها كانت تسمع :
أشرطة رُقاة ..
وتبي تقلّدهم ..

**!..الظـاهـرة..!** · 10-28-23, 07:38 AM

مدّيت رجلي ..
وبديت أنفضها ..

ياحليلها صدّقت ..

جات تجري من صدري تبي تطلع
من اصبع رجلي اليسرى الكبير

في هذه الأثناء .. مخبي وراء ظهري عصا في يدي

أول ماطلعت خبطتها .. صروعتها ..

حطيتها في كيس .. رميتها برى في صندوق قلاب
سواقه باكستاني متجه من المدينة إلى حايل ..

يالله روحي شوفي لك شمالي ..
صدره أوسع ..

\| أصدقاء منتدى مسك الغلا \|
مدونة مسك الغلا	مدونات	خطوط عربية	تحميل خطوط	صور سكرابز	خطوط انجليزية
	شات الرياض		شات كتابي	شات سعودي للجوال