منتديات مسك الغلا | al2la.com - عرض مشاركة واحدة - !.. مما يكتبه ،،،الظـاهـرة،،، غفر الله له ..!

**!..الظـاهـرة..!** · 10-28-23, 07:15 AM

وين كنتي قبل أعرفك يابنيّه
تاركتني كل هالعمر .. أتشقّى

أحسب أيام العمر راحت عليّه
مادريت إن أجمله .. فيما تبقّى

أشكر أيامي على كبر الهديّه
إثْرها لامن بغت .. تعرف تنقّى

جابتك من نور برقٍ .. شعّ ضيّه
صبّ غيثه بين الأضلاع .. و ترقّى

ياهلا يا قبلة العشق النديّه
يا اتجاهه وين ما وجّه و لقّى

من ضياك .. النور لك ظلٍ و فيّه
من سناك الشمس فــ الغيمه توقّى

كلّ نسمه مرّت أنفاسك عذيّه
ياهناها.. وإن سألتي وش تبقّى

باقي الماء .. لا ظميتي واهنيّه
منك يسقي شوي / وشوي يتسقّى