فَـاتني أن أكُــون بيانـو .. !

..






" ولكنّها من النِساء اللاتي يُجددن أرواحهن بمفردهن ."








..

..





صباحكم هدوء

أتمنى كلكم بخير ومرتاحين

التيك توك هالأسبوع الاكسبلور كله

الشعب المصري الكريم ترند بعد قصة الطبيبه اللي في التحقيقات حاليا

ومنقسمين بين مؤيد ومعارض الدنيا مولعه صراحه

الموضوع في مكان يظهر مدري عندي بس ولا الكل مثلي

ما علينا

بغض النظر عن الكلام اللي قالته مصيبه وكارثه

انه طبيبه تظهر على مواقع التواصل وتتكلم

عن حالات المريضات عندها وتقول تفاصيل التفاصيل !!!

هاذي لو أفضل طبيبه في الوطن العربي ما أروح لها

يمه والله خفت وقشعر بدني

ومن بعدها كمان صار فيه جدل على قصة

سفر البنات لوحدهم سواء داخل البلد يعني من قريه لمدينه

او لبلد آخر بسبب وظيفه او دراسه بعيدا عن الناحيه الدينيه

محد مؤهل للفتوى الا أهل العلم ولا مؤيده أنا ولا معارضه

كل واحد عقله براسه ويعرف خلاصه

فيه وحده طالعه تتكلم وتشجع على المنع وتقول أنا أعمم

ان البنات ما يسافرون لوحدهم لأنهم يخربون

لأنه الطبيبه قالت في فيديوهاتها شافت حالات لأطفال من علاقات غير شرعيه

واتهمت وحده قاصر إنها حامل من علاقه غير شرعيه

رغم إنه ممكن تكون مظلومه أصلا ما علين

الآنسه اللي تكلمت عن منع السفر وقالت أؤيد و أعمم

الكارثه إنها هي سافرت وحدها أصلا وممكن تكون عاشت لوحدها كمان

وهاذي كلامها كمان كان مثل اللي يزيد النار حطب

مدري إلى متى يطلعون ناس يناقضون أنفسهم

والغلط فقط يجي من البنات والذكور معليش يعني

اللي يسوون هالأفعال الرجوله متبريه منهم

وتعتبر اهانه للرجال المحترمين اني أضيف هالفئه معهم

الذكور عادي يسافرون يسوون بلاوي مصايب يلعبون بأعراض الناس

حد الزنا في الاسلام يشمل الجنسين أعزب او متزوج

أما في الفكر الذكوري أي فعل فاضح او غلط ينسب للإناث مباشره

أخطر فئه هم النساء الذكوريات ذولي أخطر من الذكور أنفسهم ع الإناث

التربيه على الأخلاق والحياء والعفه تشمل الجنسين على فكره

ما ينفع اني أربي ولدي يسافر ويسوي الغلط واحجر على بنتي

بحجة انه أخاف تغلط او تسبب فضيحه

الفضيحه فضيحه على الجنسين ذكور واناث

لحد يجي يقولي انتي تحللين السفر للإناث

قلت فوق أنا ما أفتي ولا مؤهله للفتوى

لكن فعلا هالبنت كلامها مستفز والطبيبه مستفزه أكثر

قالت كلام كثير أقصد الطبيبه اللي قلته شوي من اللي قالته

اللي يحب يشوف بيلقى فيديوهاتها منتشره بكل مكان

صدقت رضوى الشربيني لما قالت أيوه

انتي الست او الأم انتي اللي تربين السي سيد على قولتهم

فعلا هي الأم هي اللي تربي ولدها يطلع ذكوري

أتمنى أمهات المستقبل الأجيال القادمه

يربون عيالهم تربيه سليمه تعبنا من الذكوريين خلاص

ختام كلامي أنا ما أشجع البنات على أي فعل مشين

لكني ضد ينحط اللوم كله ع البنات

فيه ذكور أخطر من الشياطين ترى

الله يحمينا ويحمي بنات المسلمين

طولت وانا أكتب بس انفقعت مرارتي









..

حررت المشاركه من مدير المنتدى لإحتواءه على إساءه

//