ترويقة العصرية..
ماتشا لاتيه
وحلى وأنمي

أسعد الله مسائكم.

صباح الخير

لأني غبية وأكرر غلطاتي
وقع اختيار أمس مشروب روقان العصرية
على ماتشا لاتيه بالنعناع،
وتقريبًا ندمت ...
نص الكوب ثلج ومافي طعم نعناع بالموضوع!
‏وبكذا نقفل على ملف الماتشا
اللي خذيت وصفتها من التيك توك
ونشوف غيرها،
لأن أصلاً يقولون من قبل
أن مو حلو ومايصلح كتجربة أولى
لكن هل انا اتفق مع البشرية؟
طبعًا لا ولازم اجرب عشان اتوب.

المهم ماعلينا..
في زائر وحيد بكل مرة أدخل هنا
ألقاه موجود،
يازينك الله يسعدك
أنت الوحيد المتحمل سوالفي التعبانه
الله يجبر بخاطرك.

أحب أنوثتي
وأحب الدلع وأحب أتدلع وأتدلل
أحب كل شيء يساهم بجمالي ودلالي
وبرقتي وبرفاهيتي ودلعي،
وأحب الشخص اللي يحبني ويدللني بأفعاله،
يدلعني، يستثنيني، يميزني،
يوميًا أحمد الله أني أنثى مليئة بالأنوثة
والجمال والنعومة والرقة،
والدلع فطرتي ومن طبعي.

‏

‏


حبيب سنيني
‏بينه وبيني
‏يا قلبي خطوة وحدة يعني
‏مش خيال
.

أغبى شيء قريته اليوم بالتيك توك
وحده كاتبه ان اذا تركتي شخص
وهو باقي نفسه فيك،
علاقاتك الجايه كلها بتكون فاشلة!!

مدري ايش اللي نفسه فيني
ملوخيه انا؟؟

بس جد يعني الواحد يترك علاقة
ربي حرمها، شيء ما يرضي الله
تقولي ان علاقاته الجايه كلها بتفشل
طيب حتى لو كانت بالحلال!!

بالعكس ربي بيعوضها باللي يستاهلها ..

ترا الزواج والوظيفة وامور الحياة كلها قسمة ونصيب
لو هالشخص مو نصيبك بس أنتِ تحبيه
والله لو تروحي للسماء وترجعي
ولو تبكي دم مو دمع والله ولا تاخذيه
ولو بينك وبينه بلدان وهو بآخر الدنيا
بس ربي كاتبه لك! بتاخذه وبيكون لك وحلالك
بلاش كلام فاضي يا بنات..

والله التخلف بهالبرنامج في ازدياد
ماعرف هي تدور جدل ولا من صدق تتكلم!.

والله أني متضايقة
وقاعده أدور على شيء يضحكني
شيء يطلعني من اللي أنا فيه
مّليت من كل شيء بحياتي
كنت جالسه بالصاله
اخوي دخل وفتح فيلم كوميدي
ما مرّت نص ساعة الا وانا ميته ضحك
الان قمت صليت ركعتين
ودعيت ربي بكل شيء أتمناه
ودعيت لأهلي أن ربي يسعدهم وييسر أمورهم
على كثر ما يوقفون معاي بطريقه غير مباشرة.

أمر بوقت مو عارفه نفسي فيه
صارت لي احداث بحياتي
ماكنت متجهزة لها،
دعواتكم يا جماعة الخير.

في أمان الله.