أشغلت بالك.. صرت أنا كل كونك.

**حُور** · 01-05-25, 08:21 PM

-

البارح رحنا الجبيل حضرنا فعالية الويندر هيلز

مرره انبسطنا ع الرغم الكتاكيت كانوا شوي هه

تحولنا قوالب ثلج تمشي البارح كان مره برررد
مع ذلك وقفنا اخذنا قهوة باردة >> مجانين
كوب القهوة ب 24 ريال
و امممم ركوب القطار ب 20
و الدبابات ب 20
المكان يسوى المشوار ؟ اييييي يسوى

الدخول حجز مُسبق من تطبيق نافذة
التذكرة بـ 20 ريال ، و دون الخمس سنوات مجانًا
الاحتياجات الخاصة مجانًا هو والمرافق ..

**حُور** · 01-07-25, 05:03 AM

مسرع ماتصير المدونة تحت ،
باقي مدونة وحدة واطير الصفحة الثانية

الموووهيم اقول لكم
اليووم جوزي حبيبي مريض …
وعاد الرجال اذا مرض

مايحتاج اتكلم ..
بس من خلال مقابَلي له جلست افكر !
يعني بصراحة الرجل حقه يتدلل وقت المرض
دائما المرأة المدللة ، وهو ماعنده وقت يتدلل
عشان كذآ يصيرون مره دراما مع المرض
لأنها فرصتهم الوحيدة للدلال
والا معقول ! انفلونزا تسدحه طول بـ طول
ويبيك 24 ساعة جنبه
وتكمدينه و تهمزينه وتسمّين عليه
وماتتحركين ثانيتين الا ناداك
هل هو مره مايتحمل المرض ؟؟
والا هو فرصة !
اكيد هو اقوى من كذآ .. بس بحكم انه
طول يومه شغل ، ويلبي طلبات بيته
وماعنده يتدلل الا ف الأكل ،، واذا حصل
مو شرط كل يوم ياكل من البيت
خلوه يتدلل يستاهل.

**حُور** · 01-10-25, 02:20 AM

-

شكرًا ع دعواتكم الطيبة

البارح رحنا المستشفى
اول مرة اكتشف شقَد زوجي عنيد
تعبت وانا اقنعه يروح !
مارضى الا بطلعة روووحي
طبعًا رحت معه عشان مايقول زحمة ورجعت

وصرت كنّي أمه حبيت الدوور هههههه
دخلنا عند الدكتور وهو يسأله شو حاسس
قلت له بطنه مرره يوجعه تقول سكاكين
وتجيه مغصات قووية لدرجة اذا كان واقف يجلس
واذا جالس ينسدح ..
وكل ماسأله انا أرد واناظر بزوجي نظرات الأم

حبيت شخصيتي صراحتن

المهم نزلنا ورحنا ع قسم الطوارئ
واكلم الممرضات وانبههم عليه
وقالوا ممنوع ياكل برا و ممنوع الفلفل وممنوع ممنوع…
قلت له تبشِر بأكلات دايت قال لاااااع
قلت امبببله

الموووهيم ان اليوم صحتَه طيبه اخ الحمدلله ياربّ
اربع ايام مرّت كنها شهر

عاد اليوم زبطت السّفرة بأكلات رمضاان

اكيد اني مابسوي اكل دايت بس كان محارَق
سويت له بيتزآ و كرات الدونات و مكرونة و فطيرة جبن

قهَر صورت كثير بس ولا صورة حلوة

يلا عوافي

**حُور** · 01-12-25, 09:03 PM

-

**حُور** · 01-12-25, 09:06 PM

-

انا ديني ودين الناس ( المندِلقـه )
كلمة حساويه اللي يعرف معناها يكتب

يعني الرجل المندلق ع بنت تلوع كبدك منه
وكثير نشُوف
بس اذا صاااارت البنت هي المندلقه اااااخ
ااااخ
ااااااخ
يالوعة الكبـد

الحيَاء مو زينة ،،، الحياء مطلب واذا انفقد !
والثقل صنعَه ….

\| أصدقاء منتدى مسك الغلا \|
مدونة مسك الغلا	مدونات		شات جوال	شات الجوال	شات
شات سعودي	شات صوتي للجوال	شات	دردشة	شات بنات	شات كتابي
	شات الرياض

أشغلت بالك.. صرت أنا كل كونك.

قسم مدونات الأعضاء [ الاختلاء المباح ]