اكيد ماقصدي فصولنا ال4 ,,, وانما هون عم بقصد رائعه الفيلسوف والعالم والحكيم الهندي (بايدبا)
يلي بلآصل كانت آسما (بنجا تنترا) او ( پنچاتنترا بالسنسكريتيه والكورديه )
آو (Panchatantra) بمعنى ( الفصول الخمسه) !!

وقد ألفه على طلب الملك الهندي (دبشليم) وآستخدم الحيوانات والطيور كشخصيات رئيسيه (كنوع من التمويه والرموز) بدلا من البشر وحاشيه الملك (خوفا من غدر وعقاب الملك ) وآستطاع أن ينصح ملكه ويحذره من غدر الاخرين
هالبنجاتنترا كانت جوهره هندستان المخفيه عن العالم ،،، المليئه بالقصص والمواعظ والحكم .

~~~~~~~~~~~~~~~~~~~~~~~~~~~~~~~~~~~~~~~~~

ولما علم ملك فارس (انو شروان) بوجود الكتاب ،،، جن فصولا ،،، وأمر وزيره وطبيبه الداهيه (برزويه) بالسفر للهند باسرع مايمكن ونسخ الكتاب بالكامل ... وغيير اسمو ل (كليله وديمنه)
وبهالطريقه قدر هالكتاب الثمين يشوف النور ... وكل العالم قدرو بقا يستفيدو منه ... وهو افضل واشهر كتاب في العالم بدليل انو ترجم الى 200 ترجمه والى 63 لغات

~~~~~~~~~~~~~~~~~~~~~~~~~~~~~~~~~~~~~~~~~

برائي آنو الكتاب مكتوب لـــــ 3 مستويات من البشر ...
الاشخاص البسطاء وعاشقي التسليه ،،، بيلاقوه فكاهي ويحكي عن الحيوانات

الأشخاص المثقفين ،،، يفهمو انو يرمز للبشر ،يستفيدو من عبرو ومواعظو ونصايحو ،،، ويساعدن بايجاد حلول وخطط ... (وآنا بعتبر حالي من هيدي الفئه يلي لحديت هلآ عم آستفيد من وعظ وعبر هالكتاب النادر) !!

أما العباقره والحكماء ،،، فيزيد من تجاربن وحكمتن ،،، لآنن عم يدورو ع دوافع السلوك واسرار النفس البشريه ، وآداب الحياة الاجتماعية بين طوائف الشعب المختلفة



ورح بيضل مقدمه الكتاب باب (كليله وديمنه)
آروع وآعمق قصه ومواعظ في الكتاب ,,, وهوى عم يحكي عن صداقه الآسد الملك مع الثور الوزير (شطربه) ,,, ولكن بسبب مؤامره وفتن وغدر آبن آوي (ديمنه) ,,, عم يتقاتلو الملك ووزيرو ,,, وبالنهايي رح يندم الملك ع خساره صديق عمرو التور المخلص .

~~~~~~~~~~~~~~~~~~~~~~~~~~~~~~~~~~~~~~~~~

ومن بين اجمل قصص هالكتاب بذكر (باب الصائغ والسائح)

لما سائح يمر قرب حفرة ،،، ويلاقي ( قرد ، ببر ، افعى ، ورجل )داخل الحفره ويرمي حبل
لينقذ الرجل ،،، وبيصادف المرات ال1 وال2 وال3 يطلعو الحيوانات وينصحوه بأن يترك البشر لانهم رافقوه وبيعرفو انو هو اخطر من الوحوش !!

والسائح الطيب مايسمع بقا نصيحتن وينقذ الرجل الصائغ ,,, وبالنهايه هالصائغ قرب انو يتسبب في اعدام السائح ... وباخر لحظه الحيوانات ال3 ينقذو السائح المسكين !!
يا سبحان الله ,,, هالقصه بقا من القرن الرابع ونحنا بالقرن الواحد والعشرين ،،، وللآسف بعدو عم يتكرر هالمشاهد في الحياة !!

(صوره الملك دبشليم لما بيزور الحكيم الهندي بايدبا)