حياتي ارويها لكم كما هي

وشلونكم ياحلوين؟

اكيد تنتظرون باقي القصة !!!!

حظكم اليوم المزاج معفوس

انتظروني يمكن بكره

هناك حكمة قالها لي جدي رحمة الله عليه :
اذا بغيت تصير سعيد بحياتك
اذا اعطيت لاتنتظر اللي عطيته يعطيك
اذا سويت خير سوه لوجه الله ولا تنتظر اجره من الغير
اذا حبيت احد وعطيتهم كل شي وهجروك لاتندم على
فراقهم ويكفي انهم كانوا سبب لسعادتك ايام مضت

صارت بعد بكره ماعليش باقي المزاج بيض

المهم مالكم بالطويلة
نجي لليوم الثالث من الرحلة وهو اخر يوم
لمّا صلينا الفجر شبينا النار وسوينا القهوة والشاهي
والحليب والخبز الجمري وخبز الصاج وكل واحد طلع ابداعاته بصراحة
بس معنا واحد معه طائرة شراعية وبدا يحلق فيها وكان فيه ناس
نايمين وصار يقرب بالطيارة على سطح الغرفة اللي نايمين فيها
يعني ازعاج تايم ههههه كلهم صحوا الا واحد كانه ميت بس
بعد مانزل قرب محرك الطائرة عند الباب وشغلها الا والمروحة
تطيره هو وفراشه وقام مفزوع يحسبها مثل العاصفة اللي جتنا اول
وبدت السوالف الحلة كل واحد يجيب قصة وقصيدة وبصراحة من امتع الجلسات
بس واحد تكفل بالغدى وحطه بالكاتم بس تغدينا من المطعم سفري ههههه
عاد فيه احداث صارت مايصلح ذكرها هنا بصراحة خلوها مشفره
بس انصحكم جربوها وغيروا الروتين والله شي ممتع

اشكركم على سعة صدوركم وتحمل هذرتي

كنت بشارك فيها بالمسابقة بس مافضيت ومعها مجموعة
بس هذا احس انها اقل وحدة واذا تبون الباقي علموني

ابي اشوف من يعرف الوقت اللي تم التصوير فيه بالليل والا النهار