‏عطيتك محبّه صادقه مابها تشويه
وجعلتك بقلبي منفرد فيه وحداني

وغيرك يبغاني بالمحبّه وأنا مابيه
دام أنت عندي ويش أبي بواحدٍ ثاني

تراني ليا شفتك أسج الفكر وأشقيه
وأشوف القمر وأقول عندي قمر ثاني

غلاتك بقلبي شي يطغى على التّشبيه
كيف أوصفك والوصف يعجز به لساني

‏زاهدٍ من الناس .. ولا أبي سوى قلبه
ولا تعنيني المغريات ولا ألتفت فيها

أنا معك مثل المؤمن اللي خايفٍ ربه
و حطك بين عيونه الثنتين وأنت مغنيها

عارف حبك لي و قلبك و مامدى طُهره
أبيض قلب وطى هالأرض .. و مساعيها

فيك أكتفيت و رويت القلب من حبُك
وأنت كل اللي أبيه من الدنيا و أمانيها