ماعزيتها

وحده كانت صديقتي ايام الثنوي امس توفى زوجها الله يرحمه امانه الكل يدعيله بالرحمه والمغفرة وان ربنا يصبر قلبها. بعدها كل وحده درست مكان ولما ولدت عزمتني لكن مارحت ووللاسف لما سمعت امس خبر وفاة زوجها ماقمت بالواجب وعزيتها احيانا بقول معليش هي مو كثير مقربه وصار سنوات مافي تواصل بينا وعشان انا قليله تواصل مع الناس وراح اقصر فالتواصل واحيانا بقول فشله ماقمت بالواجب وغيري كان احسن مني ساعدوني شو اتصرف وماجبت رقمها من البنات فشله واكيد البنات بيروحون يزورونها يعزون وبعد ماتخلص العدة بعد بيروحون وانا لا

طيب ليش ماتروحين لها تعزينها ؟
كانت صديقتك بيوم وتستاهل وقفتك معها كأخت.
اطلبي من البنات اللوكيشن بيتها مع صورة لباب البيت
ومايحتاج لا موعد ولا استئذان