اريد حل لزوجتي

صباح الخير..
بدايةً، أنا بشوف إن «تتروش مرة وحدة في الاسبوع » = مبالغة! نوعًا ما
على الأقل بحصل جماع ، ويترتّب عليه غسل شرعي أكثر من مرة في الإسبـوع
طيب، لنفترض أن الأمر واقع وهكذا فعلاً..
فتغير العادات = بيحصل، مش مستحيل، بس بياخد وقت وطول ممارسة وصبر
وعشان خاطر أولادك لازم تصبر، وتمشي على نظام محدد وتصبر عليه..

في نقاط:
- أولاً اشتري لها مزيل عرق (vichy) منتج فرنسي، ممتاز جدًا..
- لو هي بتغتسل فعلا، ولسه فيه ريحة للعرق، جرب حقن البوتوكس للتعرق
دي أول خطوة.
أولا ما ترجع من الشغل بص لأولادك - خاصة البنات- واطلب من كل واحدة تاخد (دش)، وكلمها بالراحة قدام أمها، بكلام واضح .. يا حبيبتي لازم البنت تاخد حمام كل يوم، ولما تتزوج تاخد دش قبل ما يرجع زوجها من الشغل عشان يبقى ريحتها حلوة وجميلة
والتزم دا مع أولادك
كل يوم
وكل يوم تكرر نفس الكلام قدام أمهم، واصبر، عشان عارف بتبقى راجع تعبان من الشغل، بس دا علاج غير مباشر وتوجيه كلام غير مباشر لزوجتك من ناحية= وعشان أولادك من ناحية تانية مياخدوش سلوك أمهم

=
النقطة التالتة:
خلي ليك سلوكيّات حميميّة معينة مع زوجتك بخصوص الاغتسال، يعني اشتري شامبوا جديد، ومعطرات جسم، واغتسلوا مع بعض ( مش عيب ولا حرام) النبي صلى الله عليه وسلم كان بيعمل كدا
التغير دا والإسلوب دا جميل
وهتلاقي أثره في أسرع وقت
=
امدح زوجتك دايما
اول ما تغتسل او تسرح شعرها، افضل امدح فيها وفي ريحتها وفي شكلها، امدح لغاية ما تحس إنها استحت من كلامك
المدح دا هيأثر علي سلوكها
=
خلي الاغتسال او الدش مرتبط بأمور معينة،
يعني لما ترجع من الشغل ، اطلب من الكل بالترتيب الكبير والصغير، يلا قبل ما نتغدى الكل هياخد حمام الاول ويغير هدومه
شوي شوي هتلاقي دا بقى عادة وحاجة ثابتة .. بنتغدى بعد ما بناخد حمام

الحاجات دي محتاجة صبر وهدوء وتحمل
يعني مش في يوم ولا اتنين هتلاقي الحل
بس لو صبرت على الخطوات دي هتتغير وهتبقى أحسن بإذن الله