ندور سالفةة

مسّاك الله بالنّور ..
سؤالك معقد شوي، خصوصًا في وقتنا الحالي،
والعلاقات كل يوم تاخذ شكل جديد ..
لكن لو بختصرها، كل شخص
يبغى اللي يحسسه إنه مهم عند الثاني ..

الرجل يدور الاهتمام، والمرأة تدور العاطفة ..
والدليل انه تلقى كثير من الرّجال المتزوجين
يشتكون ان زوجاتهم ما تعطيهم اهتمام،
وبعضهم يبرّرون الخيانة بهذا السبب.
وفي المقابل إذا شافت المرأة إن زوجها
عبارة عن حجر يمشي بلا مشاعر أو تفاعل،
تدوّر الاهتمام والعاطفة بطرق أخرى، سواء بالعمل
أو بأي مساحة تعطيها الإحساس إنّها موجودة ..

وبالنهاية المشكلة مو في الرجل أو المرأة،
المشكلة انه كثير من النّاس ما يعرفون
يعبرون عن احتياجاتهم بوضوح ..
أو يتوقعون الطّرف الثاني يفهمهم بدون ما يتكلمون ..
بعضهم يظن انّ الحب يكفي..
لكنه ما يكفي بدون تفاهم، وبدون
ما كل واحد يعرف لغة الثاني في التعبير.
يعني لا هو سر غامض، ولا هو فلسفة معقدة،
لكن تحتاج واحد يفهم إنه مثل ما يبغى شيء،
لازم يعطي شيء بالمقابل ..
وقتها العلاقات بتكون أسهل، وأقل دراما
ومحّد بيلعب دور الضحية ..

تحيّاتي لك

،