وجهٍ رغم سود الصواديف نيّر

يقول عبدالله البديري
وهالشاعر مو جميل وبس
مبدع بالحيل
وعلى طاري الشعراء المميزين
كل عيد والشعر بخير
بوجودكم ياكرام
وعلى رأس الهرم
اخونا عتيم
والمتفردة وهج
والغائب الحاضر مواسي
الوله سهيل اسمها لها اسهامات جميلة
..
هذا النص
واللي نسينا اسمه يمسحها بوجهي
جعل السحاب الي قنوفه مزابير
على ثرى قاعٍ محيلٍ سناوي

ما للرجاء في خاطر الوجد تبرير
لكن تسرّيني عليك الهقاوي

يا أعذب من عدود الروى، ورّد البير:
عسّاس له تسعة سنينٍ نحاوي

عليك ما خلت ركابي مشاوير
يا كثر ما لي في دروبك خطاوي

كم ليلةٍ سقت لظعنك المظاهير
اليا أنكفوا سمّارها جيت ضاوي

زلّت سنين الطيش عوجٍ مدابير
بأحلامها الغرّا .. ولا زلت غاوي

مونس ورى صدري مثل خفقة الطير
خطرٍ عليه يفجّ حدب العراوي

أنا أدري أنك مثل موتي مقادير
لكن تعزّيني بعدك المناوي

وأن شح عدّك، علّني في رجاء خير
مالله مضيّع لي فـ جوده رجاوي