وجهٍ رغم سود الصواديف نيّر

الشعر والشعراء
الكل صار يكتب
وعنده حبيبه
ومخذول
وفقد الامان
والسالفة كلها متأخرات
ساهر..
واقساط السيارة
هو يوظف احزانه
والمفهية تحزن عليه
اللي اقصده ليس كل مايكتب
حقيقي..
هذا لشاعر الصدقي
..
اما ربع اناشيد لغتي
بصف اول وثاني
يرحم والديكم مو ضروري
تكونو شعراء
كتاب
شوفو نجمة كاتبه قصصيه
وهي لو تزيد كاسة شاي فوق
اللي تشربه "بسم الله عليها"
قلبت ناصر الجميعة
نشر سطحية القلم محد
متأذي منها غير اللي يقدر
جمالية الكلمة
اماربع المهم ان تكتب
ترا خربتم الدنيا

وابشركم بطلت
اتنمر المدونة الجديده
نحتاج نعدل جلستنا
ونكتب بشيء
من الثقافه
وقبل كل شيء
منورة يالنايفة
وابشري طال عمرك
انا هنا اثرثر
بعيداً عن الارتباط بحضور
الاخرين
كوني بخير وهذا المهم

بالدوام فكرة ان تعرف
الكل يخفف
عنك ضغط العمل..
وتلقى منفعه تبادليه
عكس ان تكون
انعزالي بحالك
لكن ارتباطهم مبالغ فيه
سوالف وسؤال واهتمام
بالمناسبات..
واحيان للفضفضة
ودق حنك
السؤال الحياء
اللي كان يتكلمون عنه قبل
عقد من الان وينه
من غير الافكار بهذه السرعة
عيال ادم مو فارقه
معه لكن المرأة
انتي طلعتي من البيت
لـ كسب لقمة العيش
ولا كسب قلوب الرجال
عزيزي الرجل بقولها بصدق
ترا اللي من هالنوع
لاتصون عشرة
ولا تكتفي بواحد الا من رحم
الله..
بقولك ليه لأن اللي تفقد
قيمة الذات وتنكر الحياء
انه من الفضائل
ترا بتتنوع بفريقكم
تعتبركم مثل الاجهزة الالكترونية
وانتم مو اقل شر
عندك زوجه وعيال
ترا اللي بالدوام او السناب
كلهن شبه بعض
لذلك الاكتفاء
والعين المليانه
تحفظ حياتك عرضك
فكروو بعقل والله البشر
مايختلفو واجد
بـ الطباع..
المهم الخلاصة
في واحد هنا من حاله
تو متعين احسه ينتظر
وحده تطبطب عليه
تتوقعون اصلح للمهمه

‏فوضى ترتب ضاحكات الغيم في درب عربي
شاف الوطن منفى وناداه الطريق ولا انتبه

أنه يودع خلف روحه ماتبقى من صبي
كان المدى حلمٍ تراءى في عيونه واعجبه

كم له يسافر في فضاء الله يبحث عن نبي
يسترشده عن صافنات الدمع حتى تكتبه

عن لذة التصريح يغريه المجاز ويجتبي
من دهشة "الأرض اليباب" وصوت جدٍ يجذبه

حاول وحاول في مداراته يتوه ويختبي
من خلف اسوار الكلام وليل عابر يسلبه

حتى تشكل ثم نادى كيف اصونك ياتعبي
في ذنبي الاطهر سؤالٍ تحتضنه الأجوبه

من يقنع النحّاس لو تختال عينه بذهبي
بينه وبين الصافي الإبريز عمر وتجربة

لو حاولوه يطولني ماهو محاذي منكبي
لو حاولوه يردني ماهو بلي ند وشبه

وان خانني وقتي وضيّع من يديني مطلبي
ماني وانا رب القصيد اللي تواقد موهبة

محتاج له لو عاصفات الريح هزت مركبي
والبحر بحري والسما والقاف فضه وذهبه

ماجيت عابر جيت اخلّد لليالي مذهبي
على أثر حرفي تسيرون المفاوز معشبه

الشعر انا غيثه وروحه فيه ناري وحطبي
ياما تفرعن في عروقي قبل أخطه وأسكبه

كل مادعاني هاجسي ثم قال ياخيل اركبي
قلايعي شرد نوادر من ثمينه وأعذبه

والضوء للمتهافتة والمجد للحر الأبي
وانا الذي لا شرّق التاريخ وجهه غرّبه

------

...
نختتم الزيارة
نلقاكم
انه خميس الجمعات والصياح

اهدافنا واحلامنا وامنياتنا
اصبحت رهينة المادة
لم نعد نسمع كلمات راحة البال
او رضا الله
او بر الوالدين
الفكرة مرتبطه بالمادة المحسوس
لم يعد للقيم المعنوية اي قيمة
فقط ماراح يفيدني اذا احتجت
ولا بتعب عليه ويكبر ويخليني
لماذا تم سحق قيم المجتمع
تحت سلطة المال والنفوذ
كيف تقلصت قيمة مجالس الاجتماعات
العائلية واصبحت للمناسبات
اين ذهبت جمعات الاهل
ولمات الاصحاب
كيف اصبحنا بهذا الحال
الكل يفكر بنفسه
ماغير انا شايلة هم هالمنتدى
واللي فيه
وانا والله لا روابط اجتماعية
ولا اخلاق
ولا عواطف
الزبده سالفة
نجمة ودي اتنمر لكن اخاف يفصل
سلك الحكمة وابلش

نزلت قسم الالعاب
تعرفون اللي يدور جو الضحك
وهو نفسية هذا انا
بالمناسبة طلعو كذابين
تسليك وصرقعة
وانا شادتها
تذكرت المطوع اللي امزحو معاه
اصحابه
قال حرام تضحك على مشاكل غيرك
واطردووه
الموضوع يحتاج خفة دم
وانا اللي يمشي بعروقي
قطران نفط خام
لذلك حدنا ننظر عليكم
عاد فشله قانون
ويعنني راعيىة
حكمة ومحنكه
وانا بالحقيقة ماعندي ماعند جدتي
رحمها الله

الله يحللكم ياهلي
ويبيحكم على هالحياة
اللي ماتدري كيف هي جاية
ننام على راحة نصحى على
فوضى
والله حقيقة وبلا مبالغة
احتاج واحد زلابة لا يؤمن بالكرم
ولا الضيوف
لايعترف بروابط جماعة
ولايؤمن بثقافة العيب
والفشلة
بخيل نفسية
لايتلكم
يقعد يطرد ورا الدراهم
يجمعنا عقد انا اصرف عليه
وينقلع يعيش مع امه
اوما متخيلين اقعد معاه
تحت سقف واحد
اللي اقصده
افتك...
لا واصحاب فضل انهم اتركونا
ننام للعشرة
البنات اللي يقولو تعبنا من اهالينا
جربتم تقومو من الفراش
على قطاعة اللحم
انا كشتي للحين مالميتها
المهم طلع هالغدا قبل
تطلع عيوني
ودي اصيح واغني مع منيف
المنقره واطق الهجيني
ااااه لاتتحدثون عن صعوبة
الحياة وانت ماتدري من بيداهمك
بعد ساعة
اخوي يتنمر يقول مأجلين الضيوف
ننتظرك تطيبين طيب
الله ايامك ياحمار