لفّته: لتحقيق الأماني

**رفيق الطيف** · 01-18-25, 04:34 AM

:

:

يا حرف والمعنى على نسج الاماني والطموح
والادمي تسعى قدم رجله بسكة مطمعه

ابكتبك للي عبر فكره على جال الوضوح
مالي بعقد حبالها غايه وادور للسعه

لوكنت انا خابرك سجاتك مثل سجة جموح
يسري خيالك لا دجا ليلك ولا اقدر امنعه

خلك معي واسمح ترى صاحبك هالليله سموح
والحر يعرف مرقده والنجم يعرف مطلعه

الأوله: منهو يدور غايته، يحتاج روح
لو ينتثر من عثرة الايام تقدر تجمعه

والثانيه: لا يفصح النيه وفيها لا يبوح
من شان مايعرض عليه العارض الي يوجعه

والثالثه: يصبر ولو صدره من الضيقه يفوح
لا يلتفت للضيق والحسرات ويضيع سنعه

ثلاث لو ياخذ بها العاقل وما فيها مزوح
يلقى السعاده والهنا لو يعرف الي ينفعه

حتى هنا يا فكرة المعنى وانا موجي طفوح
في هاجسي لا زال صوت سيوف حرب ومعمعه

اشوف لي مينا بعيد بسكة حروفي يلوح
والمركب الساير لقا ريح العوالي تدفعه

الشعر ياخذني وانا ماحب تهييج الجروح
والي تسومه عادته ما تقدر انك تقنعه

اقصر تراني لك على غايتك هالليله نصوح
والي يبي متن البحر يلقى سفينه واشرعه

رفيق الطيف
1446/7/18هـ

:

**أمل.** · 01-18-25, 12:33 PM

الشعر ياخذني وانا ماحب تهييج الجروح
والي تسومه عادته ما تقدر انك تقنعه

اقصر تراني لك على غايتك هالليله نصوح
والي يبي متن البحر يلقى سفينه واشرعه
هالابيات جميييلة بالحيل

تسلسل النص والانتقال بين الافكار
ونوازع النفس
ابكتبك للي عبر فكره على جال الوضوح
مالي بعقد حبالها غايه وادور للسعه

وصولاً للاستسلام للقافية
والشعر
مشهد جمالي رائع
تروق لي النصوص
التي تحمل طابع الصراع
رغم يقين الشاعر
انه لن يصمد كثيرا
سلم بوحك اخي الكريم
ودام مدادك

**أعد النجوم** · 01-18-25, 01:12 PM

شاعر جميل جدا ونص راقي وعذب

ابدعت لله درك من شاعر جزل

صح لسااانك وسلمت ولا هنت

اسجل اعجابي بقلمك

بوركت بورك حرفك

يختم ل3 ايام

**ام الفهده** · 01-18-25, 07:37 PM

رفيق الطيف

ابدعت صح لسانك وسلم فكرك وبنانك
قصيدة جميلة جدًا
سلمت ودمت ودام لنا هذا الإبداع
حفظك المولى

**وارف** · 01-18-25, 10:47 PM

أدام الله لنا هتانك .ورزقنا سُقيا قيفانك .ليروينا سحر بيانك
الشاعر العذب رفيق الطيف .
تصنع من الشعر معزوفة تسحر الألباب وتأسر القلوب
صح فكرك ماحييت وطبت وطاب هذا الهطول الجميل

تقبل من التحايا ازكاها

**النسيم المسافر** · 01-19-25, 06:52 AM

الله الله عليك وعلى جمال حرفك

ورقي احساسك

وعذب عباراتك

الساحره

أبعدت يالغالي

لروحك خمائل

الورد

ولايامك

الهناء

وتحيه

بحجم

الكون

لسموك[/size]

\| أصدقاء منتدى مسك الغلا \|
مدونة مسك الغلا	مدونات		شات جوال	شات الجوال	شات
شات سعودي	شات صوتي للجوال	شات	دردشة	شات بنات	شات كتابي
	شات الرياض

لفّته: لتحقيق الأماني

ديوان ومحاورات حصريه لشعر ( شعرائِنا )