-عجينة لقيمات مزبووطة مقرمشة من برا وطرية من جوا

-

صبحهم بالخير والسرور
أخباركم ياحلويني !
قبل يومين كنت صايمة واشتهيت لقيمَات
والحمدلله جا ع المشتهاة أحووووبه مقرمش شويّ
شوي مو مرة .. يعني مايطلع صوت خشش
لا بس فيه عضّه لزيزا ان شاء الله وصل الوصف هه
يووما شفيني اضحك كني ألف نجمة
ماعلينا ..

تفذلوا ..

كاسين طحين
بيـالة زيت
بيضة
ملعقتين حليب بودر
ملعقة خميـرة
ملعقة بيكنق بودر
الماي ع حسب الخليط يكُون اثقل من خليط الكيك
حطوا كاسة وربع واذا احتاج زيادة زيدوه …

المنكّهات (هيل،زعفران،حبة البركة،سمسم)
الطحين اللي استخدمه (الكويتي)

سَاعة تتخمـر

الزيت يكون حَامي واول ماتحطوا اللقيمات قصروا عليه خلوه وسط
لاتقصروا مرة يشرب زيت ، ولا تطولوا مرة ماتستوي من جوا


آخر شي عسل أو دبس التمر احنا طبعًا لابديل للدبس




وبالعافية ع عيونكم

ربي يعافيك ياقمَر
نورتي