01-11-25, 06:56 AM
| #1 | |||||||||||
 
| 
الحساسية الشخصية والتفكير السلبي
مساء الخير/صباح الخير ع الجميع كيف حالكم ؟ احب اشكر ادارة المنتدى على فكرة الحساب هذا , واللي فك ازمة كثيرة ونبدا في الموضوع بسم الله الرحمن الرحيم انا ولد ثالث سنة لي في الجامعة , عندي مشكلة بسيطة ممكن كانت خامده والحين بدت تطلع ألا وهي الحساسية في الشخصية , تجاه الاشخاص , بالرغم اني اجتماااعي جدا ولله الحمد , ولكن بعض الاحيان وبحكم انني ولد طبعا مزحنا يكون تنتيف وحشر وانا ماعندي مشكلة اذا كنت اعرف انها مو من كراهية او حقد , وانما مجرد انها مزح وفي المقابل ودي اشاركهم الجو ولكن اخاف من ردة فعل مشاعرهم واخاف يشيلون بخاطرهم علي , او ماعاد يحبون يجلسون معي , لان بعض الاحيان يتكلمون عن اشخاص ( بثرين ) وخاف اكون منهم لاقدر الله , في نفس الوقت كذا شخص يعرف ان تعاملي لطيف مع الاشخاص ( صدق وليس مدح في نفسي ولله الحمد ) ولا اعتقد اني راح اوصل للمرحلة هذي ان شاء الله , طبعا هذي المشكلة اعاني منها مع كذا مجموعه من الاصدقاء ودي اكسرها ولكن ابي حل عملي منكم اذا تفضلتم , (طبعا انا عندي خوف من فقد العلاقات) لانها اتعبتني ولاخلتني اكون مرتاح فكريا ونفسيا (لان بكرة راح احتك مع متنوع من الاشخاص وزوجتي مستقبلا ان شاء الله ) , وبخصوص التفكير السلبي يجيني لما اتخيل ان الشخص هذا مايبغاني او انهم متضايقين او انه مصرفني افكر في الحالات السيئة للاسف على سبيل المثال ( مرة من المرات كنت طالع مع اصدقائي ورحت دورة المياه وانتم بكرامة (طبعا بعد مرور ساعتين تقريبا وحنا جالسين والوقت ع الساعة 12 او 1 تقريبا ) بعد مارجعت لقيت اثنين راحوا سألت عنهم قلت وينهم قالوا واحد اتصليت عليه امه واحتاجته ووراحوا والاثنين الباقي شوي ومشوا , انا توقعت انهم راحوا يكملون في مكان ثاني بدوني او ماشابه والحقيقة انهم رجعوا ) فاانا قاعد يتعبني الموضوع هذا واتمنى منكم حلول عملية وشااااكر لكم والله يوفق الجميع ويرزقكم السعاده يارب اسف جددا على الاطالة | |||||||||||
| |
|
01-11-25, 07:38 AM
| #2 | |||||||||||||||
  🔻🔺🔻🔺🔻
|
وعليكم السلام مرحلة الجامعة غير كل المراحل السابقة وهي الحساسية تجدها عند اغلب الشباب في تلك الفترة.... النقطة الاولى حاول ان تهتم بدروسك وان يصب كل وقتك هناك للدروس وليس للمشي في الممرات والجلوس في مقاهي الجامعة.. ترا هذه هي التي تسبب في مثل هذه الحساسية عند الطلاب.. النقطة الاخرى الزم بشخص او زميل واحد فقط يكون من نفس طبعك.. حاول ان تكون مع واحد يعني انتما اثنين او مع ثلاث يعني انتم معاهم يصير اربعة… لان كل اثنين يكلموا مع بعض والذي يكون بلا مقابل اكيد سوف يفكر بمثل تفكيرك.. النقطة الاهم حاول ان تكون هناك مسافة امان بينك وبين كل صديق عزيز عليك حتى اذا صار ما صار لا تندم لفراقه.. ولا تحس فيه ولاتظن فيه .. وان استطعت ان تكون وحيداً يكون افضل .. صدقني بعد تخرجي بشهرين ولا واحد اتصل فيني ولا واحد سأل عني. بالرغم من صداقتنا داخل الجامعة .. بالتوفيق | |||||||||||||||
| |
|
01-11-25, 07:54 AM
| #3 | |||||||||
  
|
Over thinking والله ياصاحبي الا ليت الشباب يعود يوما هذا الصوت الي في مخك تخيل انك معاك ريموت وقصره للأخير واحيانا تحتاج تخليه ميوت عيش حياتك وسوي الي انت تبيه لك فقط تأكد من ان نيتك سليمه مافيها ضغينه على احد ودرعم ماعليك فب احد عندك نقطه ضعف واضحه لازم تشتغل عليها تقديرك لنفسك منخفض انتبه منها تراها تفرق معاك في مستقبلك خصوصا اذا كان حظك ردي وترى الناس عادي تعذرب فيك وفي غيرك وهذا مايعني هذه حب او كره خير أو شر هذه طبيعه بشريه المهم انك لك شخصيه واضحه ومبادئ واضحه وكرامه اتمنى لك مستقبل ناجح وحياة سعيدة | |||||||||
| |
|
01-11-25, 10:02 AM
| #4 | |||||||||
| مساء الخير/صباح الخير ع الجميع كيف حالكم ؟ احب اشكر ادارة المنتدى على فكرة الحساب هذا , واللي فك ازمة كثيرة وانا ايضا اشكر الاخ احمد على هذه الفكرة النبيلة والانسانية والي لم اشاهدها في اي منتدى على مدى سنين طويلة احيانا العضو عنده مشكلة ومستحي يطرحها باسمه وياليتني صادفتها زمان قبل 18 سنه كان سكنت في هذا القسم وكل يوم اطرح جزء منها كان عندي مشكلة وكنت مثل الغريق الي يتمسك بقشة لانها عصفت بحياتي ولم اجد لها حل كنت اسجل في المنتديات واطرحها وانتظر الردود اي رد احس اني باستفيد منه ولكن لم اجد غير ردود عشوائية اكثرها ردود منسوخة نشكرك على موضوعك الجميل وننتظر جديدك بفارغ الصبر ومرة سجلت في منتدى طرحتها ونسيت اسم المنتدى وصدفه بحثت عنها ولقيت ان بنت لطشتها ونزلتها باسمها في منتدى اخر ولقيت ردود كثيرة وجميلة عليها قرئتها وفرحت اني لقيت ردين فيها جزء من الحل ملحوظة: رغم ان المشكلة تخص صاحبها ولكن كلنا نستفيد من الردود مرة اخرى شكرا لصاحب هذه الفكرة وجزاه الله خير | |||||||||
| |
