|
من شاف لمعة قمر في خدةٍ سمرا ..! .. صباح الخير... جددت نفسي ومشاعري.. نسيت كل اخطائي الماضية...! . كل شي تبسّم يوم لامس دلالك و كل نارٍ كوتني منك صارت سلام:Dl3: .. |
.. مساء الخير... صار موقف من شوي خلاني أتاكد انو انا فعلا كويسه والله ... فيه مواقف تخليك تحب نفسك صح .. وتقدرها ...! دايم أحب اكبر نفسي قبل اطفالي ع انو التقدير اهم شي بالحياة لما انت تعطي تعطي بالاخير ماتلاقي التقدير..هنا لازم توقف ..انا مااانتظر مردود لعطائي بس ابغا تقدير تقدر اللي اعطيك اياه .. ياخي المفروض تشوفه شيء عظييييم بعد ..! .. الطفلة اللي جواتي تظهر في أوقات جدا غلط ..معايا مناسبة اليوم مراااااا متحمسه لها جدا جهزت الفستان الكعب نسقت الاكسسوارات والحين احس كل شغفي راح أطالع في الفستان بحماس معدوم :) .. الوضع الان اسمع اغنيه ل نوال وقلبي يرفرف بالمقابل بنتي ام 3 سنوات زعلانه تجمع ملابسها تبغا تروح :/ .. |
.. صباح الخير ... كنت في مناسبة خفيفه سريعه .. أحب المناسبات اللي مااتطوول .. انبسطت غيرت جوي .. بس رجولي تعورني من الكعب ..:( .. أحب لما ينذكر اسمه باسمي .. :m42: .. |
.. مساء الخير .. اليوم الجوء يخليك عاشق غصب تحس بمشاعر ماعمرك حسيت فيها :) ... جاني ولدي من شويه يقلي الغيوم تشبهك.. :خجول: . |
.. مساء الخير .. من قبلاتك تنمو الازهار على خدي... :Dl3: ... عندي طاقة حللللللوه اليوم ..ماشالله الله يديمها:67: .. |
.. صباح الخير.. اليوم تناقشت مع شخص ما.. المهم مش نقاش بمعنى الراقي الهادئ لاا نقاش ع مستوى عالي من الصراخ والاختلاف الحاد لدرجه أنو كل الغضب اللي بالدنيا كان جواتي .. المهم حبيت أنهى النقاش قلت بصوت ملييييان بكاء ياخي خلاص فكنا عاد انت صح انا غلط :) .. قالي بصوت واثق أنتي ع بالك أنو حياتي بتوقف من غيرك .؟ ولا أنك محور الكون مثلا ..! وماراح اموت والله .. ثم قال بس ماراح اعيش لو زعلتي مني .. ! .. صح كان الكلام مبالغ فيه مافي احد يموت بسبب أحد آخر بس كان ل كلماته وقع مختلف .. ! انتهى النقاش ب :نبض: .. أختصر الكلام وقالي: أنتي مش محور الكون أنتي الكون كله ..! عالعموم كلنا ندري انو يبالغ بس معليش الحياة تستحق قليل من المبالغة لا يضر:m42: |
.. مساء الخير .. من الليالي المفضلة أمس .. خلصت 4 حلقات من مسلسلي بشكل متواصل هذا الشيء من النادر يصير من لما صرت أم :MonTaseR_25: عالعموم أتذكر اللحظة الأولى اللي صرت فيها أم كنت أتوقع الموضوع شاعري رومانسي خيالي أكثر من كونه موجع .. بس لحظة كان لا..كانت اللحظة صعبه لابعد درجة.. اتذكر انو باللحظة الي أولد فيها لما خلاص قرر البيبي ينزل ع الدنيا انا وقفت قلت خلاص تعبت ماعاد ابغا أولد رجعوني البيت :). لو يرجع بي الزمن أجيبه اعيش كل اللحظات الصعبه المضاعفات اللي صارت لي كلها كلها ماعندي مشكله .. :نبض: .. أمي تقول أنو أنا اكثر بناتها خفه ودقه ..:سكر: . |
.. صباح الخير .. للاسف كنت أتمنى لو أننا من سكان الريف .. كانت السما تلمع بالنجوم اشاهدها برفقتك.. لكننا في صخب المدينة فقدنا النجوم .. ..! .. |
.. صباح الخير.. ترا بعض الكلمات مفعولها مثل الدفاية بالاجواء الباردة :MonTaseR_137: طبعا مافي احد يرفع سقف غروري كثر عيالي .. الله يحفظهم بنتي مصره أنو أنا أميرة الاميرات وولدي يقول أنا الفارس اللي يحرسك واضح انو ماشاء الله مربية عيالي ع واقعية عالية جدا .. ابوهم يتفرج فينا قال لهم فين التاج حق الأميرة ولدي استوعب قال هي كدا أميرة التاج مش مشكله ياماما أنتي حلوه وانتي بدونه .. عطيت أبوهم وضعية لا تخرب علي مملكتي لو سمحت قال طيب انا وش اسوي قالت له بنتي أحرس ماما من الاشرار :85: ياخي احبكم طيب |
.. صباح الخير .. تصدقون لما قررت افتح مدونه جديده قلت خلاص راح يكون عندي شوي خصوصية لازم .. مايصير اقول كل شي هنا :bnat30: مع كدا فشلت .. أحس المدونة متنفس لي .. أنا هالفترة ماعندي صديقات مدري فين المشكله فيني أو فيهم .. بس ماعندي طاقه بالتواصل اليومي .. ع رغم حبي لهم ولله بس مدري العيب فيني اكيد.. .. ولدي مايتفق مع أبوه ابد لو ابوه قال لا هو يقول ايوا والعكس.. في المقابل بنتي أقصد ضرتي:bnat30: لو تقول البحر لونه أرجواني يقول ابوها صحيح :) .. |
.. صباح الخير مرة أخرى كمان :blush-anim-cl: .. فيه أعضاء (بنات) أحبهم كدا ماصار بيني وبينهم اي تواصل بس كدا محبة من الله تنحط بالقلب .. .. الف نجمة هالبنت أحس حياتها تشبه حياتي .. يومياتها جميله عندها مخزون من الحكايات جميييييل .. ودي أسمع صوتها هي تحكي:Dl3: نجي لـ أمل هذي بالذات من الشخصيات أللي عمقها تعدى الحدود .. ودي اجلس معها جلسة مصارحة تمردغني بكلماتها اصحى ع نفسي هههههههههههههههه كيف مدري هههههههههههههههه بس احس انها مرااااا واقعيه جدا جميله ..:73344: هوس .. هوس ياقلبي ع هوس .. عاد هذي لطافتتتتههها تجننننننن مراااا .. احبها احبها لدرجه انو لو شفت لها تعليق يخالف اعتقادي.. اسوي نفسي ماشوف:73344: .. طبعا .. جوهرة طاقه من الإيجابية والمسالمه مراااا طيبه من الشخصيات اللي وجودها مهم وغيابها يترك فراغ ...:73344: .. ايف.. حواء.. هذي ودي أتعرف عليها من قرب عندها طاقه تجذبك جدااا تعطي احساس مريح لـ حولها.. جدا جدا جميله:73344: .. طبعا الكل فيهم الخير نكمل وقت ثاني تعبت :x117: .. |
.. صباح الخير .. ... الكثير من الكلام الذي لا يقال ..! ... |
.. صباح الخير .. فيه مرة من المرات جالسين نتكلم وحدا قالت يقهرني الرجال اللي يبغا يشكلني ع كيفه يختارني كدا بالاخير يبغاني بشكل ثاني ع مزاجه..بعدين قالت ياخي لطالما نفسه من البداية في برتقاله ليش يحب يأخذ تفاح ..! ليش من االاساس مايختار وش يبغا ..البرتقال ماعمره ماراح يكون تفاح..! هي طبعا كلامها جدا صحيح .. وفي محله .. وأوقات تكون المراة تبغا الرجال بطريقه معينه يكون ..! بس الاختيار الاكبر ل رجل .. لانو لما يروح يخطب يختار مواصفات معينه طيب من البدايه لو عرفت فيها شيء ماتبيه اطلع من الهرجة كلها. . سالفه بعدين اغيرها ماتجي..!!! ... أمي دايم تقول أنو حافظي ع بيتك اسمعي كلام زوجك .. تفكيرها جدا بسيط .. طبعا راح اسمع باللي يكون منطقي..! .. فيه مرة من المرات صار زعل لدرجه انو جلست الليل كله أبكي .. كانت المره الاولى والأخيرة اللي ابكي فيها عشان شخص ..! .. حبوا أنفسكم .. النفس هي الدائمة معاكم اعتز بنفسك وبس..! .. |
.. صباح الخير .. أنا اليوم زعلانه شوي .. صارت بيني وبينه مشادة كلامية .. سويت حظر له .. بس والله حظر الجوال مايخووف المهم ماتنحظر من قلبي .. لانو بلوك الجوال ينشال بس بلوك القلب انسى .. باللحظة هذا هو تراجع لانو كان يدري كلمه أكثر راح نندم.. ! .. ليش أنا هنا أحكي لكم لانكم ماتعرفوني مجرد ماااتطلعون من مدونتي تنسوني.. يمكن البعض يعمل لايك لانو انا عامله له لايك مجرد تبادل لايكات.. بس ع فكره أنا ماسوي لايك اللي للأشخاص اللي أقرا لهم والشرف لي ..! |
.. صباح الخير .. بنات فيه هرجة مضايقتني وبسببها تعرضت للنقد .. أنا من تزوجت كنت أنادي امه .. عمة لانو من قبل اعرفها.. من باب الاحترام وكدا المهم مع الوقت والتجارب والحياة في فتره حملي الاول كانت معي كانها امي مش أمه وبس صرت أناديه يمه .. أمي .. وكدا لدرجه انو لما يجتمعون أمي وأمه انادي أمي الاثنين يردون علي بنفس اللحظة.. الله يحفظهم يخليهم .. مش هنا المشكله صارت لما نروح مناسبات أو احد يجيينا ..يسمعوني اناديها بـ أمي يستغرب البعض والبعض الآخر يبتسم.. فيه مرة من المرات وحدا من أقاربه قالت لي ليش تقولين لها أمي ..عشان فلان يكون مبسوط يعنى ..! .. .. ليش يشوفون انو هالشيء نفاق..! طيب هي فعلا والله أمي جدة أطفالي احن عليهم مني .. تخاف عليهم من الهواء.. كيف ماتكون أمي..! .. من كنت صغيره وانا عندي زوجة اب ولا مره ناديتها ب أمي ..! .. بس أمه والله غير .. انا الي اعرفه انو هي دائمه هو لا .. .. مدري كيف اوصل الفكرة بس ليش البعض يستنكرون كلمة أمي لام الزوج..؟! .. |
.. صباح الخير .. مزاجي سيء اليوم حاولت بكل الطرق انو يتعدل مافي فايدة. عندي الم في قلبي عجيب ..! . |
.. صباح الخير .. :bnat30: ايوا انا استاهل ينضرب راسي كدا :bnat30: .. مو معقوله والله كيف سويت كدا ..!! :bnat30: |
.. مساء الخير.. صارلي موقف اليوم .. تمنيت توقف الدنيا للحظة من شدة الدوران اللي حسيت فيه .. لحظة بس والله .. .. تصدق مااحب المواقف اللي تصعب عليا فيها نفسي .. ماحب الشفقة اللي تجيني ولا احب انو ينكسر خاطري عليا .. صحيح كانت ردة فعلي قوية بس الفعل كان اقوى مني ..! .. ولدي يقولي أنتي ماما خارقة .. على رغم تعبي وخطواتي المتعرجة قمت اسوي له الاكل لانو رافض ياكل من غيري ..! تمنيت اكون خارقه من جوا .. حسيت فيني انكسر شيء صعب ينجبر ..! .. ترا الحنية بالمواقف الصعبه أثرها ابلغ..! .. ودي اغسل قلبي والله .! .. |
.. مساء الخير اليوم أنا راح أكون مبسوطه .. مجهزة حالي عشان أقص شعري..وشعر بنتي .. بس بنتي أم 3سنوات تقلي نو شعراتي نو شعراتي .. راح اقص شعري عشان تغار لانو اي شي أسويه تحب تقلدني :) ولدي من الصبح قام يبكي يبغا نونو جديد عشان قال اختي كبرت يبغا بيبي يحبي مايمشي هههههههههههههههه ع كيف أمك ؟! حاولت إقنعه بكل طرق الاقناع أنو مافي بيبي يظل كدا صغير كلهم راح يكبرون هو يبكي .. انتي ماتحبيني ابغا بيبي ولد يكون اخوي .. انا ياماما ياحبيبي انت و و لا مجال للتفاهم كلما أفهمه يبكي أكثر.. اخر شي قلتله تبي كف ؟ قالي اصلا البيبي الجديد بيكون مزعج مانبغا :) لو ادري كان من البدايه طيب ..! .. :Dl3: .. ولا مرة قالي بكم ماما اشترتوني من اي مستشفى بجيب لي أخ بفلوسي :MonTaseR_113: يفكر الهرجة بيع وشراء هههههههههههههههه :v: .. |
.. مساء الخير .. كنت أظن كل الظن أنو انا الأنثى الوحيدة الفريدة بحياته.. كنت دايما المميزة حتى في خلافاتنا مشاكلنا.. كل مرة يثبت لي أنو انا الغير مافي تاة بحياته الا أنا .. للاسف الشديد بعض الظن اثم :) بنته اللي هي بنتي ماخذة كل الحب .. فعلا كل فتاة في ابيها معجبة وماخذه قلب ابوها وانا وولدي نتفرج :) معليه ولدي يحبني أكثر شي :/ .. . واضح انو انا غيرانه هههههههههههههههه ولا قلت اغار من هالنتفه سريلك بس :/ .. بس والله فعلا الغيرة في الأنثى شيء طبيعي ..! .. هالشخص كان ملكي والحين فيه منافسة شديدة المشكله انا مااحب شغل الصراع التنافس بس لازم أحافظ ع أملاكي :Chulo: .. بدت الحرب .. بسبب جملة لبنتي انا بابا حقي وبس انتهت الحرب بسبب انو هالنتفه بنتي انا :MonTaseR_122: .. |
.. صباح الخير.. هل أنت هنا حقا..؟! اشعر بـ الخوف..! ... |
.. صباح الخير .. الاكيد أنو أنا مش وحيدة صحيح..؟! .. صارلي موقف كنت محتاجة اتكلم فيه مع أحد اخذ واعطي.. اعرف هل انا في الوضع الصح؟! .. بس اكتشفت انو انا فعلا وحيدة..! ... عندي التزامات كثيره بيني وبين نفسي .. عشان كدا اخاف مني ..! . |
. مساء الخير فيه شغله ابغا أسويها متردده جدا واحس انو راح اندم ..! اوقات تحتاج احد بس يقلك لا تسوي كدا حتندم:/ .. شنو رايكم انتم ..؟! اندم لانو سويت أو الندم انو ماسويت :/ |
.. صباح الخير .. كنت أتصفح بالإنستا طاحت عيني ع قصة بدون شعور .. لقيتني غرقانه ب دموعي..! .. كيف انام الحين..!! :( |
.. مساء الخير .. تصدقوا ماكنت اعرف انو التنازلات اللي تصير بالعلاقات ماتنضاف لرصيدك ...! كنت اتوقع انو كل مرا تقدم تنازل ينسحب لك للابد .. ! .. ليش ياخي العلاقة كدا متشابكة معقده ..؟! اكتشفت انو الانثى تمشي أكثر من الرجال ..؟! طلعوا يوقفون لكم ع وحدا يابنات...! ... تصدقوا احنا والله طبيبين اقل مجهود يفرحنا مرا .. . ... ولدي يبكي يبغا يروح الملاهي بالجهة التانيه بنتي تبغا فشار وفلم الكرتون المفضل عندها...! ولدي يطلب اكبر سياره بنتي تختار الدميه الورديه.. لو كانت الحجم نتفه .. . احس الاستحقاق عندهم مرتفع. :/ احس انو زودتها صح :خجول: .. عالعموم والله مرااا عندي كلام بس ملخبط بس ارجع ارتبه:icon17: .. |
.. صباح الخير .. محتاره .. كيف أتصرف ..! فيه شخص يقرب ل زوجي .. رجال كبير بالعمر .. قال لي جملة احس ماينفع تنقال.. ودي أقول له بس ابغا احسن النية ..! مدري كيف اتصرف .! وش رايكم انتم اقول له ..! أول اكمل تجاهلي ولا كاني سمعتها...! ... |
... مساء الخير .. من ضجة البيت .. زحمة الناس .. أحس صداع جدا جدا .. حلو انو بيتهم بيت الجدة بس متعب جدا ... المشكله انو انا زوجة الكبير :( .. طبعي أحب يكون كل شي مرتب وتمام ماحب النواقص تاذيني.. الحين حرفيا تعبانه مرااااا .. بكرا الحدث الأكبر :). .. ..:17: |
.. صباح الخير .. عندي مشاكل مع ولدي .. مراا تعبانه ودي أخذنا عنند طب النفسي :( زعلااااااااان يبغا بيبي جديد .. يبغا أخ مايتكلم معي كل شوي يقول مايحبني:).. .. حاولت بكل الطرق.. تفاهمت معاه انو لسى مش وقت بيبي وانو لسى أخته صغيره ... بس لا مجال .. :( .. عطوني اقتراحات جديده عشان اقدر استرجع طفلي .. :MonTaseR_203: .. |
.. ... |
.. صباح الخير.. كل الكلمات بالدنيا ماتعبر عن جزء من غضبي ...! ... كان التعب أكبر من يستوعبه قلب انسان...! لا بأس لو كان كل البأس بقلبي والله ...!! .. |
.. مساء الخير .. فيه شخص سبب لي أذية مرا كبيره لدرجه انو قلت ماراح اسامحه طيب قلت من قلبي حسبي الله ونعم الوكيل .. صارت له مشاكل صحية لدرجه اللي حوله يقولوا الموت رحمة .. .. انا هنا بكيييت حسيت انو قلبي أسود قلت ياربي خلاص سامحته.. نسيت كل شي ياربي .. مع الايام تعافى استرجع صحته ..سبحان الله الطاغي مهما صار معاه يطغى أكثر .. يارب أنا ماراح ادعي بس أوقات الموت فعلا رحمة ..! .. بنتي تقول القلب لونه وردي وولدي يقول كله دم لونه أحمر.. وتضاربوا.. :MonTaseR_68: |
.. مساء الخير . فيه مرة وحدا قالت لي .. بكل استخاف وش انجازاتك بالحياة...؟ لان وظيفتها كويسه.. راتبها جدا عالي مستقله بنفسها وعندها سيارة ولها حياتها الخاصه ع مستوى من الرفاهية ..! كنت وقتها حامل بالشهور الأخيرة وخطواتي ثقيله ..ولدي اللي عمره شهور كان ماسك فيني يبكي... جاني احساس بالبكية.. طالعت فيها بنفس نظرتها قلت ولدي كل انجازي.. ماعمري اذيت أحد انجاز.. الانجاز مش ورق وبس .. ولا راتب .. كمان انك تكون كويس بحياة مليانه سوء إنجاز .. تعرفون الضحكة اللي تحسها كلها استحقار مش احساس كانت فعلا استحقار..وقتها صارت تضحك.. تقول انا سويت اشتريت .. وكل كلامها حول نفسها ومشترياتها . قلت لها ليش وحيدة لهدرجة ..! مافي أحد بحياتك ؟. .. مشت من غير رد .. للحين أحس قلبي يعورني عليها .. .. اجتمعنا مره ثانيه وقالت لي ليكون حامل .. بضحكة بعد .. ابتسمت مارديت .. .. الشخص اللي يحشر أنفه في حياة الآخرين اشوفه نقص فيه والله .. احس بشيء من شفقة اتجاههم .. .. . تكلمت كثير .. :crazy: |
.. مساء الخير . ليش أحس ان كل هالهدوء مخيف ..؟ كل هالامان فخ ....؟! أحس فيه مشكلة جايه بالطريق ...؟! .. |
.. صباح الخير.. راح اعترف لكم بـ سر ..:nosweat: أنا من النوع اللي ماااعطي الامان الكامل.. لاي شخص ..يعنى حذرة شويه بس .. هالشيء فيني من الصغر ..زوجي لاحظ علي أنو احاول بكل الطرق انو عيالي يكونوا شخصيتهم قويه ..جتني بنتي تبكي انو بنت اخذت منها لعبتها قلتلها روحي أخذي لعبتك صارت تبكي أكثر تبغاني اقوم اخذ اللعبه انا رفضت قلتلها مالي دخل لعبتك هي انتي تجيبي حقك .. أبوها قام بياخذها قلتله لاتتدخل.. خليها هي تتصرف جتني تبكي مرتين ولا قمت جلستها قبالي قولتلها اللعبه حق مين قالت حقي خلاص روحي جيبي لعبتك زي ماهي اخذت منك اللعبه ..! رجعت بنتي يدها مخرمشه من اظافر البنت الأخرى بس رجعت هالمره اللعبه بيدها.. من بعد هالموقف ماصارت تجي تبكي صارت لها ردة فعل قويه لو احد بياخذ لعبتها غصب .. لو جت تلعب معاها بهدوء بنفسها تشارك العابها .. لازم يعرفون يدافعون عن اشيائهم .. لا تعلموا اطفالكم يتنازلوا لاحد لو كان الطرف الثاني صغير.. ازرعوا فيهم حب المشاركه بس بالرضى مش بالغصب ..! ... المهم اليوم قرر يتصل يسالني سوال .. قالي بذمتك تجاوبيني بصراحة.. قلت هات .. قالي انتي تحسي بالأمان الكامل معاي..؟! .هنا أنا حسيت الأرض تدور .. لحظة ولدك يبكي ... قالي لا تتهربين .. طبعا قلتله مافي شي اسمه امان كامل .. الدنيا دار فانية وفيه يوم القيامه .. بديت اشرح سوالف ماله اي معنى :) . طبعا هو فهم وانا فهمت .. مافي شي اسمه امان كامل .. لانو الأمان الكامل فخ ..! .. اوف تكلمت كثير |
.. صباح الخير.. أتمنى لو فيه إمكانية أن الأم يحق لها الانهيار.. ؟؟! مهما حاولت ماقدر .. والله حرارتي 40 مع كدا صامده..! تراني انسانه والله بشر بشر حالي حالهم ليش اضغظ ع نفسي ماني فاهمه ..! .. |
.. مساء الخير.. لحظة الإدراك.. أنه أنا حنونه جدا .. لانو بالوقت اللي يستحق القسوه فضلت استخدم حنيتي.. والله الحنية نعمة الحمدلله..:قلب ازرق: .. |
.. مساء الخير . فين يغفى الأمان ...؟! |
.. صباح الخير .. الى من كان يقف على عتبة النسيان ينتظر مني سؤال .. لا سؤال لك هنا ولا تبحث عني في بحة الأغنيات...! .. قلت لي ذات مرة أن الجمال ينام بين الخدين.. وأن كل كلمة مني تمطر في قلبك وتنمو الازهار.. ! كيف حال بستاني..؟! هل حان الخريف ...؟! .. لا تصدق كل الروايات الحب .. وأنك كنت البطل .. الابطال شجعان .. وحدك أنت الجبان .. أتعلم يا عزيزي الغائب .. أن لا مكان لـ جبان لا تغضب .. كنت في يوما ما بطلي أنا ..! .. كن بخير ... فـ أنا حقا أجيد النسيان..! .. |
.. أهلا اهلا يا غصن التوت .. بداية جديدة مرة أخرى .. أتمنى لك عودة جميلة .. أن يكون التوت في قلبك قبل الفم .. .. غيرنا شوية .. التغيير يجدد النفسية ..! .. أتمنى لكم يوم جميل .. :81: |
.. صباح الخير .. قررت أتفرج فلم لان فاضيه نومت عيالي .. جهزت لي سهرة حلوه ..تفرجت الفلم.. بدايه حلوه رغم ان كل المؤشرات اللي تقلي خلاص وقفي مع كدا استمريت ضيعت ساعتين ع فلم نهايته أهبل مافي الحياة ..والله سخييييف مسوي جوء وغموض حركات يطلع تافه :) .. ارجع ع الافلام الكوري أفضل ..:MonTaseR_63:.. .. كل روقاني راح .. الحين كيف أنام :/ . |
| الساعة الآن 02:31 PM. |
Powered by vBulletin® Copyright ©2000 - 2025, Jelsoft Enterprises Ltd.
SEO by vBSEO 3.6.1 al2la.com
HêĽм √ 3.1 BY: ! ωαнαм ! © 2010
new notificatio by 9adq_ala7sas
جميع الحقوق محفوظه لـ منتديات مسك الغلا