منتديات مسك الغلا - من شاف لمعة قمر في خدةٍ سمرا ..!

..
صباح الخير ..
فكونا بالله من نظام التشخيص اللي طالعين فيه البعض ...؟!
انا كـ أم في مكان عام احاول بكل طاقتي انو أسيطر من حركة طفلي أو من صوته العالي أو من الازعاج اللي يسويه طبعا أنا كـ أم احاول ارسم له حدود أقيد حركته بشكل يساعدني ويساعده

. ف كيف يجي شخص غبي غريب عني عن طفلي يشخص ولدي انو مش طبيعي عشان حركته ..؟
مش هذا اول مرة .. ماتصير معي بس لوحدي ادخلوا مثلا فيديو في مواقع التواصل ل يوميات طفل حتلاقوا فيه كمية تشخصيات عجييييييبة ...!

..

أنا كـ أم طبيعي أعاني من نشاط اطفالي هالشيء اححبه وأحمد الله عليه الحمدلله .. بس تجي تشخص طفلي انو مش طبيعي عشان حركته كثيره .. ماشاء الله ..!

باي حق ...؟!
عاد أول مره سكتتت .. بالمقابل زوجي كان يناقشه انو طبيعة الاطفال ومن هالكلام .. بس هو مصر قاعد يعطي إشارات انه الولد فعلا مش طبيعي ..!
هنا قلت لزوجي لو سمحت بالله عندي سؤال له لطالما حضرته ملقوف مسوي فيه دكتور علينا ..قالي تفضلي ..
قلتله وش تخصصصكك ..؟! قال هاه ايوا وش تخصصصكك دام تشخص في المممرات مااششاء الله شكلك خبرة ..!
سكتت قلتله لا تحشر أنفك في أمور الناس ..عشان بيجي اليوم اللي ينقص خشمك من كثر اللقافه ..!

ادري البعض بيقول عني وقحة .. يمكن ينقال عني قليله احترام ..
بس رجال كبير ماااحترم شيبته .. يستاهل ..!

...

اطفالي منطقتي الخاصه .. أنا ماااربيهم الا بكل تعب وخوف وحب حرص .. ابغاهم يكونوا صالحين ..أتعب فيهم مو أكل ونوم .. بالاخير يجي واحد تافه ماله اي قيمة يشخص طفلي ..!

..

عاد زوجي طول الطريق مبتسم .. وانا معصبه ..
قطع صمتنا صوت ضحكته هو يقلي :
كيف أخاف ع عيالي عندهم أم شرسه .. :)
عاد عصبت زياده قلتله خف علينا يالحنون :)
..