عندي مشكلتين

السلام عليكم ورحمة الله وبركاته
أنا عندي مشكلتين
الاولى أنا اربي قطتين عندي بالبيت و أهلي وسوسو فيني من جبتهم لليوم
يقولون تنقل امراض منها الثعلبه
و بصراحة وعقب هالكلام اللى قريته بالنت زاد الوسواس صرت اخاف تنقلي امراض المشكلة اني احبهم ولا ابى اتركهم

انا مهتمه باكلهم ونظافتهم وصحتهم بس صرت اخاف تنقللي شيء و وسوسة فيهم
ابى حد يخبرني من اللى عندهم قطط هل هي فعلا تنقل الثعلبة؟


مشكلتي الثانية خااالتي
انسانه حساسه وعاطفية زيادة عن اللزوم
ساعات احسها زي المغناطيس تجيب الهموم لنفسه
تزعل من اي شيء وتحمل هم اي شيء حتى لو واحد من اخوانها اتاخر
توسوس ان صار فيهم شيء لدرجة تبكى لحد مايجون وحتى لو كلموها وطمنوها ماتصدقهم تشك ان فيهم شيء
انا ارحمهما مابيها تكون كذا
زي مثلا لو نسولف عن مشكلة بعد مانخلص السالفة حنا عادي مانتاثر هي
تتاثر و يصيبها اكتئاب
وكمان لو احد يجي ويقولها تعالي بقولك سالفه تخاف وتقلق
تحسه بخبرها شيء شين
دائم احاول اوضح لها انه مو لازم تاخذ الأمور بحساسية وعاطفة مبالغ فيه
تقولي اي كلامك صح
لكن طبعها مايتغير
انا خايفه عليها مابها تحمل هموم مو حقيقة وتضيق على نفسها
ماعرف كيف اتصرف معها
كيف اطمن قلبها وقلل من خوفها وقلقها الزياد علينا ؟مع العلم خالتي من صغرها
مرت بظروف صعبه عشان كذا ابيها تعيش حياتها وتنسى الهموم
ابيها تعوض عن اللى مرت فيه وتكون سعيدة