لا تنثر الملح فوق الجرح وتعاند

مجرد هذيان:


الفكر ما ملّ من حلّه وترحاله
...........ما دام راعيه في ظرف الزمن واعي
يشوف ميقات توديعه ومنزاله
...........من قبل يدعيه من صوب اللقا داعي
الموقف الصعب ينخل لي بمنخاله
............حقايق الناس في قيضي ومرباعي
والي ذكرته وانا ماجيت في باله
.............يشره عليَّه لو اني جيت له ساعي
عزّيت نفسي عن الي راح في حاله
..........قطعت من دون وصله جملة اطماعي

:


لا تنثر الملح فوق الجرح وتعاند
دامي تعافيت من تغريب هجرانك

يكفيني الي لقيته منك يا جاحد
افنيت عمري وتفكيري على شانك

تعبت والحلم في لقياك متباعد
ما عاد لي حيل ياخذني لبيبانك

ما كان ظن الفراق بخاطري وارد
لين انتهى موعدي في عمق نسيانك

تركتني وانت في حال الغلا شاهد
مارفّ جفنك ولا ناداك تحنانك

واليوم تنشد ولا لك بالوفا ناشد
يوم انهدم من سوات ايديك بنيانك

اليوم انا موقفي وياك متحايد
ماني رفيقك ولاني ضمن عدوانك

باشوف وش هي حقيقة نجمك الصاعد
يوم اختلف في دليل العشق ميزانك

سقيتني كاس وانت اليوم له وارد
لا تشكي الحال لو ضاقت بك اكوانك

ما عاد لك عيد في ثوب الفرح عايد
ما دام غروك بالهجران عدوانك

واجه مصيرك وواجه ليلك البارد
وانشد لياليك وش هو تالي احزانك

منهو نساني وانا محتاج لوصاله..........
ماني مدور عليه ان زانت اوضاعي

رفيقـ الطيف
1446/6/27هـ

:


يا هلا ورحب با الامير اعد النجوم
الله لا يهينك
وصح الله بدنك وصحت روحك

هذا بعض مما عندك يا الجزل
وعسى عمرك طويل

لك جزيل الشكر
وممتن لك والله



:

:

هلابك يا امل ويا مرحبا بك
لمرورك عندي تقدير عظيم يتجاوز تعبير حرفي

ولا يسعني غير شكرك على هذا الحضور الجميل

لا عدمت وجودك.


: