سنكسب رهان الحياة يومًا لن تذهب جهودنا عبثاً..

"كلٌّ يراك من الزاوية التي تقف فيها … من قلبه".

أصبحنا وأصبح الملك لله

يالله صباح خير


ما أقول إلا حسبي الله ونعم الوكيل

الإسم: أمل
الوظيفة: تكسير المجاديف
انتظريني
قصيدة الهجاء جايه بالطريق

اليوم طلعت نص ملابسي من الدولاب
قلت بتخلص من التكديس
حمستني صديقتي طلعت أغلب ملابسها
وتبرعت فيها

وصورت دولابها كيف صار أحلى وأرتب
تقول أحسني تخلصت من الطاقة السلبية
قلت بس بسوي زيك
طلعت نص ملابسي
وقعدت نص ساعة اطالع فيها وتطالع فيني
ماتحملت
اغرورقت عيني بالدموع
ورجعت خميتهم كلهم ورجعتهم الدولاب
احب اشياءي وما اقدر اتخلص منها بسهولة
عندي ملابس واكسسورز لها اكثر من 15 سنة
ما استخدمها ولا قدرت اتخلص منها
مسببه زحمة ع الفاضي
كل سنة افضي شوي من الدولاب
مضطره عشان افرغ مكان للجديد
وهي صامدة لا تتزحزح
شكلي بسوي زي أختي
قالت تعالو فضوو دولابي وأنا بطلع
عشان ما اعيقكم
ماصبرت ربع ساعة
دخلت تصيح
هذا لا ترمونه
هذا خلوه
هذا له ذكرى حلوة
وماطلعت إلا اشياء بسيطة

كلنا بشكل عائلي نعاني من التكديس
شكله مرض وراثي

احس دولابي مكتئب لو عنده لسان دعى علي

" لكُل إنسان صوت خاص يُرافقه طوال حياته , لكنهٌ نادراً مايَنصُت لهُ ."

يسعد صباح الحلوين

الناس استقبلت السنة الجديدة بخطط واهداف
وأنا وأمل استقبلناها بمرض أو هي استقبلتنا
واضح إننا ماحبينا بعض
أمل تعالي نرجع ل 24
مو من زينها عاد
بس أحسن من ذي
من بدايتها داخله حامية
فايروس جديد
وكوارث طيران
والخافي اعظم
الله يكفينا شرها ويعطينا خيرها
من الاهداف اللي كنت افكر فيها
اني اجمع فلوسي وما اضيعها على التفاهات
عشان اسافر بالصيفية أو بأشهر الأورورا للنرويج
مافي شي أسرني بالطبيعة قد هالظاهره
ودي اشوفها ع الطبيعة
بس من بعد حوادث الطيران
بطلنا
جابولي الرعب حسبي الله عليهم
الا يتخلصون منا
مانفع الفايروس
سوو لهم مخطط ثاني
ان شاءالله ينقلب مخططهم عليهم
ومعد يبقى من هالمجرمين ولا واحد

شكل هذوليك طردو نجمة
أول مره اشوفها داخلة بالمعرفين
أمل لو فيك حيل تعالي تنمري عليها
انا لسه تعبانه وصوتي رايح
بس اتحسن شوي بستلمها