ذكَّرتني فيك

ذكَّرتني فيك وتمثلت بابيات
تِصوِّر اللي في زمانك جرى لي

ما كنت أظن إنِّي أبنساك بالذات
ولا تخيلته ولا جا بِبَالي

لكنها الدنيا لها حيل دورات
لا مُرَّها دايم ولا يدوم حالي

أوقات نمشيها وتوْقَف بِنا أوقات
وما بينها نَعْبُر سوَّاد الليالي

يا كمِّ خانتنا مع الناس هقوات
ماهو جهل لكن ثِقَتنا بغالي

واللي لقى من مصدر الأمن خيبات
ما عاد ياثق في القريب الموالي

وش عاد لو بينك وبينه مسافات
وما بينكم هبَّت هبوب الشمالي

خلَّ التِّذكِّر عنك وانسَ الحكايات
واللي طواه الوقت ماله ومالي

لو جابته ذكرى ترى الأمر سجَّات
لحظات ذكرى لليالي الخوالي

مرَّت ثقيلة بس مرَّت سلامات
وصرت أطرد الطاري إلى مِنَ طرى لي




سُهيل

يعطيك العافية... راقي دوماً...

خلَّ التِّذكِّر عنك وانسَ الحكايات
واللي طواه الوقت ماله ومالي

لو جابته ذكرى ترى الأمر سجَّات
لحظات ذكرى لليالي الخوالي

مرَّت ثقيلة بس مرَّت سلامات
وصرت أطرد الطاري إلى مِنَ طرى لي

هنا تجلت الجزاله باروع معانيها
شاعرنا العذب
سهيل
صح الله لسانك حتى ترضى

ابدعت وربي

ابدعت وامتعت

دائما تأتي بنا يشجي القلب

ويثير الشجون

ويزلزل الروح


لتخلا ولاعدم منك ومن قصائدك

ودي واحترامي