وإنك شرعتي ومذهبي

شيلة محمد نور
كاتبها د.تركي عبد الله السكران
من أجمل القصايد فعلا كلماتها جت ع الجرح

الأماني قدم ناظر عيوني مثل طيف
والحظوظ العاثرة عذبت عمر انطوى

ما يحس بضيقتك غير من قلبه نظيف
صافي وانقى من أنسام عذبات الهوا

والله ان الحزن له في وسط صوتي حفيف
شاربن من ضيم وقتن عجز عنه الدوا

اشهد ان الفقد فارس معه شلفا وسيف
شيب عين اللي من الفقد والفرقا طوى

يأمن الموت الحمر من وقف فوق الرصيف
ومن مشى في زحمة السير ياتيه الاذى

المواقف بعضها ما لها ند ووصيف
تكسر الرجل الذي فيه عزه وانهوى

والحمول الكايدة شالها المتن الصليف
ما تراخى يوم حاله من احزانه ذوى

والمواجع في بن ادم لها وقعن مخيف
عزتي للي تلوع به الهم وكوى

ليتها كانت علي مزنتن في فصل صيف
كان ما ضرت خفوقن من الهم ارتوى

اه يا قلبن نزف دمع لين اصبح كفيف
كن دقة نبضته صوت ذيب لا عوى

دق بيباني ورحبت به ترحيب ضيف
متكل بالله ومنهو اتكل به ما غوى

رحمتك يا خالق الكون بالقلب الرهيف
في نهارن نجتمع به تحت عرشك سوا


كلمة وحدة اللي ما اعرف معناها هي كلمة شلفا
اللي يعرفها يقول لكن ممكن اتوقعها لأنها ارتبطت
بالفارس والسيف ممكن رمح بس الرمح مذكر
ممكن درع برضه مذكر
والكلمة أظنها مؤنث