عندما يتحدث الجرح

.









يا بنت من ليلة البارح / قبل كم عـام؟
والجرح باقي هنيّا.. .. ليتـك تفيقـي

عيا : وعييت يبرى / وانشدي الايام
ولّا انشدي رمحك اللي في معاليقي

صحيـح طعنة غدر وآقــول من قـدام
ادرا علـى خاطـرك مـا ودي تضيقـي

وشهو له اللي حصل يا سيدة الاقلام
ما كنت اظنك تخوني في مواثيقي

كنتي لي الطف حكايه لا بغيت انام
وبالحلم دهشةْ شعورْ ونَص تشويقي

كنتي لي الشعر :كنتي غرة الإلهام
والمستحيل إذ تمنى فيك تحقيقي

قصيدتي كانت انتِ والحديث الهـام
ياللي بك يغـار لحني مـن طواريقـي

سماي كنتي ولو ضاقت سماء الإعلام
وجمهوري اللي تغارب فيك تحليقي

واصبحتي اليوم شـي يثير الإستفهام
والاسئـلـه واجـوبـتهـا نـشّـفـت ريقـي

ما عـاد بي حيل يوم اطرد ورا الاوهام
يـا اوهامـي الأوّلـه : مـا عـادك تليـقـي

ودعتك الله.. وداع مـنـكّـس الأعـلام
نامـي بحضن النادمـة وش له تفيقي





* عـتـيـم !!






.