أسهل سباغيتي في الحياة

السلام عليكم ورحمة الله وبركاته
نزلت صورة وجاني تقييم من الأخت تراب الحياة
انه انزل الطريقة بموضوع، فما نردها
بما اني عزابي فبحاول اطبخ
لنفسي أي شيء سهل وطيب بنفس الوقت
ومافيه وجع راس



إليكم الطريقة

المقادير لشخصين :

لحم مفروم بقري 300 جرام
حبة بصلة
راس ثوم كامل > كتروا على قد ما تقدروا تطلع طيبه كثير
علبة معجون طماطم صغيرة نذوبها بكوب ونص ماء حار
نص كيس سباغيتي > اختاروا نوع كويس عشان تطلع طيبه
سبع بهارات
فلفل اسود
وفلفل حار اذا تحبوها سبايسي

الطريقة:

نشوح البصل الين يذبل مع شويية زيت لانه اللحم فيه دهن
نحط اللحم المفروم إلين يتغير لونه وتنشف مويته شوي
بعدها نحط الثوم والبهارات إلين يتسبكوا
نحط معجون الطماطم مع الماء ونخليهم يتسبكوا شويتين
نملح على حسب الرغبة وبعدها نحط فوقها
السباغيتي المسلوقة مُسبقًا
وتنحط على حرارة منخفضة كم دقيقة
الين يتجانسوا ويتسبكوا مع بعض
وبس والله، تتقدم مع شوية جبن بارميزان لو تحبون
وبالعافية، واعذروني على شرحي المفقع
هذا اللي طلع معي
تحيّاتي للجميع

،

الله يعافيك يارب ..
لا والله كان موضوع عفوي ع السريع
لو شاركت اكون ضامن الخسارة
فخليها مرة ثانية إن شاء الله
نوّرتِ

،

أكيد لذيذة والله
الله يسلمك يارب
رديت فوق على تقييمك ما قدرت اقيّمك
نوّرتِ