09-03-24, 04:20 PM
| #1 | ||||||||||||||
  بحة غياب
| 
دبلة و سلسال ~} حصرية * * على وين يا ركب السنين وطواري البال ؟ ملامحك ما تخفى على ابن المطر والبيد ! مضــاريب مـا تبرى وشرهــات ما تنقـال تجدد شعور بلحظة إني رجعت وليد ! يا يمه ترى مجرى دموعك يهد جبال أداري جروحي بإيد وأمسح دموعك بإيد ! مساري جرحي الخافي الحل والترحال ونجد العذيه واجتماع البلا والكيد ! ثلاثية الابعاد تترك وراها ظلال تنافى مع الصورة وتستنجد التجسيد .. لو إن البعاد يحل ما يكسر الرجال أنا من ثلاث سنين ثكلى أعيش بعيد ! هروبي بذاكرتي بحزمة من الأمال هو أشجع قرار من أربع سنين بالتحديد ! مكابد مع الوحدة بأثر بسمة الأطفال لا أضفت علي وحلم مثلي لـ مثلي قيد ! معلّق ولا عنده سوى دبلة و سلسال وفعل انبهت من لعنة النقص والتصعيد ! صلاحي وخوف الله من صالح الأعمال فلاني رجل فاسق ولاني رجل عربيد عزا كل دمعٍ سال باللي مضى ما زال ما عاد العتاب اللي مضى والكلام يفيد ! ما أحتاج وقفة باكية ملت الأطلال أنا أحتاج لمحة زاخرة من صباح العيد !! * * | ||||||||||||||
 |
| |
 | أصدقاء منتدى مسك الغلا | | |||||
19Likes
