..ربما أجدني هنا..!

..

بنتي الي عمرها سنتين و١٠ شهور صايرة لما تعصب أو أحد يزعلها تمسك البكية حرفيا والله تمنع دموعها تسكت ساكتة.. تكررت هالحالة اكتر من مرا انا احاول ابكيها اليوم اترجاها تنزل دموعها ... ماسكة البكية والدموع في عيونها ملييييانه .. اختي قالت لها بكت بكت عشان تبكي مع كدا صارت تشهق بس من غير دموع .. والله مرة خفت عليها صرت العب معها فجاءة بكت دمووووع اول مرة بحياتي مااسكتها ولا اطبطب عليها ...!
ليش يابنتي كدا .. ابككككي لسى صغيره ع الكتمان.. مرا حزنت عليها ظليت اليوم كلوه افكر فيها ..!
صحيح شخصيتها قوية عكس اخوها بس اساسا يقولوا التاني يجي خلاص مدعوس جاهز للحياة القاسية ..!



..

..
مساء الخير ..اشتقت لك ..!


..

أحس ابغا انام ظ£ ساعات بس متواصله

..
نومت بنتي ع أمل أنام معاها بس مافي فائدة .. تعبانه مالي خلق لشيء بنفس الوقت ابغا اطلع بس فين اروح مالي مزاج
..

..


كل الندوب الي فيك بوجهك في يدك في اي جزء من جسمك ماهي الا علامة من علامات القوة ...!


عندي ندبة في رقبتي بسبب اني خضعت لعملية استئصال ورم .. تجي وحدا غبية بكل مناسبة بكل جلسة تقلي بصوت مسموع ليش ما تسوين لها اخفاء مرا شكلها مش مريح ..! طيب سوي لها بالمكياج شيء لا البسي وشاح كل مرا تفرض عليا أفكارها .. بكل مرا افضل أني ابتسم لها طبعا ..مدري ع رغم أن. اوقات لساني اطول مني وعندي ردود تخليها ماعاد تحشر نفسها فيني .!

ع العموم انا حابة شكلي مرا لانو احس كانت هالندبة بالذات تغييير كبير في حياتي وقوتي ..احبها لانو تذكرني كيف كنت وكيف صرت ..!
تذكرني رحمة ربي لما عطاني فرصة الحياة ..!


..

الحمدلله ماااعندي هالطبع اني افرض أفكاري ع أحد ..!

..

..

ياخي اسوء ماعندي أحد يحطني تحت الأمر الواقع بحجة اني ممكن ارفض ..!


والله هالتصرف مستفز وقمه الوقاحة ترى ..!

..

.
كان عندي اكثر من مدونة في مدونة تغاريد كنت احبه جدا فجاه بدون مقدمات اختفى..!
مدوناتي طيب ..!
كان مفروض يعطونا اشعار عشان يمدي يلم ذكرياتنا طيب ..!
عشان يمدي ناخذ معنا أحبابنا ..!

..

كل مرة اتذكر تجيني غصة كل شيء بلحظة راح ...!
...

...
مساء الخير ..!
اليوم سويت إنجازات كثير من ضمنها انو ماصفعت شخص ما يستحق الصفع فضلت الابتسام..!

.....



ع فكرة مقدر اضيف تعليق للتقيم مدري فين المشكله ..!

شكرا لكم الله يسعدكم ..

..