ابتعدنا ..

لك الشوق الكبير اللي ملا قلبي وجاب أقصاي
متى مِنْ أجله أشعل للمصافح باقي شموعي



تقول إنّك على الموعد واْنا ادري إنْ مَ انت بجاي
ونار الشوق لك شبت لهبها داخل ضلوعي



بغيتك حب يسعدني لقيت إنك سبب بلواي
تغير مودي للأسوأ وشانت بعدك طبوعي


لك ابْحَرْت بمراكب شوقي وبحرك جرف مرساي
وبقيت أصارع امواجك وأغرق بحرك قلوعي


رفضت استسلم لبحرك .. سعيت ودلني مسعاي
رسيت بشاطئ النسيان وحيد وناسي جْموعي


تعاكسنا وتاه الدرب وعنَّك ابتعد مجراي
حقيقة هزت اركاني ولكن هدّأت روعي


دريت من البداية لكن اقداري جرت بخْطَاي
وصلنا للنهاية . وانتهى ويَّاك مشروعي



سُهيل