07-27-24, 12:19 AM
| #1 | ||||||||||
  
| 
قاموس الاحلام : شايفه مغناك عندي سواليفه طريفه وان حصل منك الخطا قلت للغلطه عوافي مندفع جيتك حروفي على شانك عسيفه ارسم المعنى على نوض في بحر القوافي لجل عينك ساري الليل و الرحله مخيفه في رجا شمسك ولا قلت للمشوار كافي كم جرحتيني بثورتك يالريح العصيفه كم تشبّي جمرة الشوق في كبد المصافي يا جفوله ليش روحي على شانك كليفه تحتمل لجلك مع القيظ تكشيرة جفافي كيف مدري تجرحيني واحاسيسك لطيفه تتركي لي مع سراب اللقا موعد خرافي تبصرين الدرب منتي عن ادروبي كفيفه مير مالي حظ تمطر هماليلك عجافي كان صدري لك عن اشواك حسراتك قطيفه لو تمشِّيني على جمرة المشتاق حافي لين زال الشَّك مالك على دربي نكيفه واقتنعت انك حكايه معاها الحلم طافي ليش امرَّ الشارع العام واقعد في رصيفه ليش اجامل مرّ الاوهام في درب التجافي ليش اقاسي كثرة اللوم بالنفس الرهيفه واحترق لو يِظهِر البوح للعاتب مخافي انتهت معك السوالف وابطوي لي صحيفه يا عساي امشي مع الدرب ما اناظر خلافي جيت المّ اشتات الاحلام فالنفس النظيفه وارتحل متن السفينه مدام الوصل غافي رحلتي لو هي مع الموج والغربه عنيفه عشتها قبل اقبل الظيم من لفح السوافي ودي اسولف عن النور لا عانقت طيفه كيف يبحر بي مع الحلم عن وجه المنافي يوم اسافر فوق الامواج للارض الوريفه اختصر قاموس الاحلام لعيون المرافي . : رفيق الطيف : | ||||||||||
 |
|
07-27-24, 12:38 AM
| #2 | ||||||||||||
   مَشَـآــآــآعِـر~شَـآــآــآعِـر
|
الله الله ماهذا الابداع والجمال والعذوبه صح الله لساااانك ياشاعر ياجميل يارائع قصيدة راقت لي جدا ايه بالله كتبت فاجدت بوركت وبورك حرفك الندي يختم ل3 ايام مع التقيييم | ||||||||||||
| النسيم المسافر and رفيق الطيف like this. |
|
07-27-24, 03:37 AM
| #3 | ||||||||||||||
 
| الله الله عليك وعلى ما نثره قلمك من درر. ابدعت يالغالي اطربت وأمتعت القلوب فتراقصت طربأ لجمال ترانيمك الشيقه تحيه بحجم السماء لسموك | ||||||||||||||
| رفيق الطيف likes this. |
|
07-27-24, 06:04 AM
| #4 | |||||||||
|
صح لسانك واعتلا شانك على القصيده الجزله اخي رفيق الطيف
| |||||||||
| رفيق الطيف likes this. |
|
07-27-24, 08:58 AM
| #5 | ||||||||||||
 الــــوفـــاء 
|
انتهت معك السوالف وابطوي لي صحيفه يا عساي امشي مع الدرب ما اناظر خلافي الله الله كل بيت فيه جمال صح لسانك على هالعذوبه والجمال دمت بخير .. | ||||||||||||
| رفيق الطيف likes this. |
|
07-27-24, 03:37 PM
| #6 | |||||||||||||||||||||||||||||||
|
: الأستاذ الكريم اعد النجوم صح بدنك وروحك ويسعدني ان تنال حروفي على استحسانك اشكرك جزيل الشكر على هذا الكرم الوافر وممتن لك جدا على هذا الحضور الجميل تقبل مني ازكى التحايا واجملها : | |||||||||||||||||||||||||||||||
| أعد النجوم likes this. | ||||||||||||||||||||||||||||||||
| إضافة رد |
| |
 | أصدقاء منتدى مسك الغلا | | |||||
13Likes
