البُعد عنها أبد ما هو بشي عادي
لو هُو بِكيفي يمن الله لـَ اتَّبْعه


وأمشي لها لو أطوِّل مَ اْرخي شْدادي
مثل غريبٍ يدوِّر في الفضا ربعه


واغيِّر اْشيا لها لا حدِّني الحادي
لو قالوا الناس غيَّر في الهوى طبعه


ما همني قولهم أدري بِميرادي
لو يعرفون الهوى صفوا على نبعه


الحب في دنيتي زادي وزوَّادي
جوعه هو الجوع والشبعة هي الشبعة


لا شفتها ذاك يومي واْسعد اعيادي
أفرح بعيدي وازيد ايامه السبعة


أحس كل شي جاني ناوي اسعادي
أنسى عذابي ولآ أَذْكُر ولا قَبْعَة





سُهيل

صح لسانك يا سهيل
والله يكفينا شر القبعات
جميل كالعادة بزيادة

صح لسانك سهيل
أبيات جزلة
موفق يا رب

اخوى سهيل كـ عادتك مبهر رائع
صح لسانك وعلاشانك يالامير
ابيات روعه تقديري واحترامي
لما ااجد هنا دمت بسعاده
مع ارقى التحايا