وابتدينا ..
وابتدت فينا الحكاية
سِر غامض ..
يخفي خلفه ألف غاية
ولا نهاية


لا نهاية واضحه كل الوضوح
والحكاية أصلها بعض الطموح
وِدَّنا نَعْبُر ولكن
نخشى لا تحيا الجروح


الجروح الساكنه فينا عمر
نخشى لا تلقى لها فينا ممر
نخشى من موت الأماني
والطريق اللي مشينا

تشتعل أرضه جمر


جمر ؟!


جمر يمكن ينفع أحيان الجمر
لـَ اكتست أرضك جليد .. ولا بقى حولك شجر
والعواصف تنهشك بالبرد
والجليد أخفى معالم كل شي حتى البشر
عندها يغلى الجمر



الطلب وحده يحدد
ذا رخيص وذاك غالي
والصَّعُب يفتح لك دْروب المعالي
قالوا اللي قبلنا " الجود يفقر "
والشجاعة خلفها من لا يُبالي


في البداية حدد أهداف البداية
كلنا نسعى ورا تحقيق غاية
ما يهم إنَّا كَبَونا
المهم إنَّا نواصل للنهاية


ولا وصلنا ..
ننسى كل شيٍ شغلنا
وننسى حتى انَّا مللنا
أو ضللنا ..
المهم إنَّا وصلنا


وحلمنا أصبح حقيقة
رغم كل اللي لقينا في طريقه
والفرح لمَّا تبسم
نوَّر الدنيا بريقه


وكل من يسعى مصيره للوصول
وكل واثق لازم يلاقي قبول
حتى لو دقت على راسه طبول
راح يوصل
راح يوصل





سُهيل

أهلا وسهلا سمو الأميرة
كل عام وأنتم بخير
ينعاد عليكم بأفضل حال وأجمل حُلَّة
سلمت وسلم البيان
هذا من ذوقك ورقِّيك
ربي يسعد قلبك
شكرا جزيلا