*

*



لا هنتي بشتى السبل والمعايير
اللي تحفزني ليا جيت أبكتبك

من ليلة الجمعة ليا تالي عصير
وانا أتوحى صوتك و أترقبك

وأعاتبك وأغير وأغير وأغير
مع إن ماهو وقته إني أعاتبك

وأدور أدنى شي لو كان تفكير
يوصل إحساسي وروحي بجانبك

فلا تلومين الدهر والمقادير
الوقت ما يسعفك لكن يهذبك

أنتي وحب الخيل و الشعر ومطير
حاجات ما والله تبدل بصاحبك

لو الليالي مدبرات و معاسير
تهون مع أطرف خطاوي تقربك

عليك ما والله أسوق المعاذير
إلا العمر كله فدا ضحك حاجبك

شوشي وخلي لي جميع الشواعير
وتبختري وأبدع لك الحبك والسبك

لعيونك أخلي جميع الجماهير
على ألسنتهم اسلم اسلم وأبك أبك

*

*