ايوة بحلم كتير
ومش فكرة اني بهتم بتفسير الاحلام
اصلا أحلامي بتكون مفسرة نفسها

قبل وفاة أبيه بكام يوم
حلمت ان شنطتي ضاعت بكل اللي فيها
بطاقتي / فلوسي / الفيز .... الخ
وفي الحلم انا شوفت اللي اخد الشنطة بس كان وشه مظلل
وقولتلة هات الشنطة قالي لأ خلاص هي مبقيتش بتاعتك
وصحيت من النوم وانا منزعجة مش لأنها ضاعت
لكن لأن دلالات الحاجات اللي ضاعت حسيت انها جزء مهم يمثلني
بطاقتي / شخصيتي
الفلوس والفيز / الأمان
وابية الله يرحمه كان مؤثر قوي في شخصيتي ومساحة الأمان في حياتي


وبالمناسبة انا حلمت بعضو معانا هنا من يومين
كنت عنده في بيتة وكان عنده شوية لخبطة ودربكة كده وناس رايحة وناس جاية
المهم يعني علشان مش اطول عليكي .. اتمني من قلبي انه يكون بخير ولو هو قرأ كلامي ده وشعر انه عليه احب أقوله

ياريت تاخد بالك من نفسك ...
واحسب خطواتك كويس
ومتخليش حاجة تعطلك
والأهم من ده كله اوع تبص وراك
وانا عارفه وواثقة انك عمرك ما بصيت وراك
^ بس للتذكرة

واحب اقوله كمان انا مش ناسياك في صلاتي و ليك من دعواتي نصيب
ان ربنا يوفقك ويصلح لك الحال ويبارك لك في والديك وأهل بيتك


.



.