بداية النهايه

صباح الخير جميعا

امر بوعكه صحيه وان شاء الله تمر ولا تضر

جمعه مباركه

صلوا على من أمركم الله بالصلاة عليه


اللهم صلي وسلم ع محمد

لاتنسون سورة الكهف ولاتنسوني من دعاءكم

هناك ساعة استجابه فاكثروا من الدعاء

السلام عليكم ورحمة الله وبركاته

اسعد الله صباحكم


جمعه مباركه


لاتنسو سورة الكهف ولاتنسوني من دعاءكم





صلو على النبي.







اللهم صلي وسلم على نبيك محمد

جايب لكم اليوم قصيده


للشاعر الإمام المعروف براعي الاجرب




طار الكرى عن موق عيني وفرا**
**وفزيت من نومي طرالي طواري
وابديت من جاش الحشى ما تدرا***
*واسهرت من حولي بكثر الهذاري
خط (ن) لفاني زاد قلبي بحرا*
***من شاكي(ن) ضيم النيا والعزاري
سر يا قلم واكتب على ماتورا***
* ازكا سلام(ن) لابن عمي مشاري
شيخ (ن) على درب الشجاعه مضرا(ن)**
**من لابه يوم الملاقا ضواري
ياما سهرنا حاكم(ن) مايطرا**
**واليوم دنيا ضاع فيها افتكاري
اشكي لمن تشكي له الجود طرا***
*ضراب هامات العدا ما يداري
ياحيف ياخطوا الشجاع المضرا*
***في مصر مملوك(ن) لحمر العتاري
من الزاد غادي له سنام وسرا****
من الذل شبعان(ن) ومن العز عاري
وش عاد لو تلبس حريرن يجرا**
** ومتوجا تاج الذهب بالزراري
فدنياك يبن العم هذي مغرا***
*ولا خير في دنيا تورى النكاري
تسقيك حلو(ن) ثم تسقيك مرا****
ولذاتها بين البريا عواري
اكفخ بجنحان السعد لا تدرا ***
*فالعمر مايقاه كثر المداري
مافي يد المخلوق نفعا وضرا***
*ما قدر الباري على العبد جاري
واسلم وسلمي على من تورا***
*واذكرا لهم حالي وما كان جاري
ان سايلو عني فحالي تسرا***
*قبقب شراع العز لوكنت داري
يوم ان كلن من خويه تبرا***
* حطيت الاجرب لي خوي(ن) يباري
نعم الرفيق اللي صطا ثم جرا***
*يودع مناعير النشاما حباري
رميت عني برقع الذل برا***
*ولا خير في من لا يدوس المحاري
يبقى الفخر وانا بقبري معرا***
*وافعال تركي مثل شمس النهاري
احصنت نجد عقب ماهي تطرا**
** مصيونه عن حر لفح الهذاري
نزلتها غصب(ن) بخير وشرا**
**وجمعت شمل(ن) بالقرايا وقاري
والشرع فيها قد مشى واستمرا**
**ويقرى بها درس الضحى كل قاري
زال الهوى والغي عنها وفرا***
*ويقضي بها القاضي بليا مصاري
وان سلت عن من قالي لي لا تزرا**
**نجد غدت باب(ن) بليا سواري
ومن امن الجاني كفا ماتحرا***
*وتازي جريمه بالقريا وقاري
واجهدت في طلب العلا لين قرا***
*وطاب الكرى مع لاسعات الخزاري
ومن غاص غبات البحر جاب درا**
**واضوت مصابيح السرى كل ساري
وانا احمد اللي جاب لي ماتحرى***
*واذهب غبار الذل عني وطاري
والعمر مايزداد مثقال ذرا***
*عمر الفتى والرزق في كف باري
وصلاه ربي عد ماخط بالرا**
**على النبي ما طاف بالبيت عاري