سبعة أسرار

ياهيه يااللي حولنا تضرب الطار
................اصوات طيرانك ترى ما ازعجتني

ان كان فيني مقصدك تشعل النار
................عز الله ان تبطي وهي ما احرقتني

دفنت في وادي طوى سبعة اسرار
........................لكنها من عقب موسى بلتني

يعني الخُلاصه لازم اكون صبّار
.........................كذا الحياة ودنيتي علمتني

ظليت اصارعها على راس مسمار
.....................ان ما احزنتني يوم ما فرحتّني

ومابين كر وفر وإدبار واصرار
..................قدرت اطول اديودها وارضعتني

ومن يومها تنثر علي ورد وازهار
..........................صادقتها يوم انها صادقتني

حتى اذكر انه يوم من شهر أيّار
........................من الطناخة شلتها فوق متني

اصبحت شامخ هامتي فوق الاقمار
.........................لن الفيافي ضيّقه ما احتوتني

فيني شموخ طويق وجبال الآفتار
.........................اثبت ليا منّ الصواعق رمتني

ما هزني في دنيتي ريح واعصار
............................ولا الزلازل عمرها حركتني

شاعر ولي في صفحة المجد تذكار
.......................تخضع ملوك الجن لا شاهدتني

ان عشت تبقى هيبتي هيبة اكبار
....................وان مت تبطي هالبشر ما نستني

وان ما رثاني الشعر واصحاب الاشعار
........................تكفيني انفاس الشعر لا رثتني

اصبحت شامخ هامتي فوق الاقمار
.........................لن الفيافي ضيّقه ما احتوتني

فيني شموخ طويق وجبال الآفتار
.........................اثبت ليا منّ الصواعق رمتني


الشاعر وارف

محترف في مداعبة الكلمات والمعاني

صح لسانك وسلم بنانك

بانتظار جديدك