ونقلب الصفحة

مو من حقي اتكلم عن الشي الي يوجعني الحين
مو من حقي اتكلم ولا بحرف

عشان كذا بقولكم
عن اول مرة فزعت فيها لحد
كان والدي يربي النحل فوق بيتنا بالقرية
وكنا نشوفهم وهما يطلعوا ويروحوا
ويعلمنا ابي عن الرحيق
وانه يجي من الزهرة وكذا
فكنا في الطين
الي هي المزرعة انا وبنت عمي العنود
نلعب ونشوف ورد احمر
صغير
قطفناها وهيلا هوبا
للسطح ع بيوت النحل
داخل جذوع طويلة ونخليها قدام الفتحة الي يطلعوا منها

لحد هنا الامور كويسة هه
صح صح اظن حزرتوا هه

جاءتني قرصة بين عيوني
وبنت عمي في يدها
جلست كم يوم عيوني متورمة ما اقدر اشوف
اتذكر كان معنا مناسبة او عيد
وكان موقف سيئ جدا

غيرتها

القصة الثانية كانت معنا زواج اختي
وكانت الدنيا امطار وموسم برد
وكان البيت واحواشه كلها طربال
مسقفينها لأن المطابخ كلها برا
كمان جلستنا ولعبنا كله في الاحواش
ف كنا نقطع الطربال من مكان فتحة صغيرة
وقت المطر وحبات البرد المغرية تتجمع فوقه
واطلع فوق دبة الماء الصفراء
وانزلها للبنات
وعمتي تلحقنا بالمكنسة
هم عارفين عمتي ما تسخى فيني
عشان كذا دايما يورطوني هه
انا ما عمري هربت منها
بالعكس اجلس بمكاني واتقبل
أي عقاب تسويه فيني
ما عمرها ضربتني ابدا
لأني شبيهتها ههه

بيتنا