أصبحنا وأصبح الملك لله رب العالمين

أصبح روتيني اليومي بداية اليوم اصلي
ثم انتظر رغد تقوم عشان تمشط شعري

اتذكر امي لما اضطر اروح لها وتكون اختي المسىولة عنا مشغولة
ومعنا طلعة مهمة ومضطرة تمشط لي امي
اتسحب لعندها تسحاب
وانا اعطيها ظهري
مشط امي مشط رفيع خشبي
له اغراض اخرى غير تمشيط الشعر
كالصفع واللطش وتجريح اذني هه
كلما حاولت الهرب امسكتني مجددا
كغنمات خالتي وهن يحاولن الهرب من الماء والصابون
لما تغسلهن هه
طبعا اذهب لأمي اذا كان ابي غير موجود
افضل تسريحة شعر تعملها
والي تكون خاصة جدا بالمناسبات
هي ضفيرة فوق
ضفيرة تحت
ما تتغير ع مر السنين
واللمسة الأخيرة هي محاولة مسح الخصلة الامامية
الي تشبه الاندومي في جبهتي
محاولة بائسة لكنها تفعلها كل مرة هه

اذا ابي موجود اروح له واطنش امي
ويبدأ يسمي بالله ثم يأخذ كل خصلة لحالها
مدة عشر دقائق
اباه خلصت
انتظري ي بنتي الله يرضى عليك
ينادي اختي
جيبي المقص
ويبدأ يعدل فيه
هو ما يعرف انه راسي الي يميل يمين يسار
مو شعري الي قصته مش متوازنة
مع ذلك يحاول لين ما تجي امي وتاخذ المقص


ااييييه ذكريات

اما بعد ما يأكل اللحوح ابي ويخلص
طبعا يحب اكثر زيت سمسم عليه
انتظر انا جنبه واحيانا آكل معاه اذا قمنا الفجر
ونجلس نثرثر
بس يخلص
يقولي اقربي
بمجرد اقرب يمسح الزيت الباقي بيده
بشعري ووجهي ويديني
واذا في كسرة زايدة
يوكلني اياها
ويفتح باب الشارع
نتشمس
ايش يسموه الان
تان طبيعي
يخليكي مقرمشة

لا تجربوه في المنزل هه

اشتقت لابي كثييير

اتوقع بحياتي ما وقفت شوق له
حتى لما كان جنبي

ي حيا
هههه لا لا نص نص
عربي كما يقولون
شعر عاصف ما تكسره الظروف هع
ع فكرة خلطة امي المفضلة
زيت سمسم
زيت زيتون
زيت نارجيل
وكل جمعة تعمله لنا

بس لو شمت الشمس ريحتك وانتي فيهم
ترجع الريحة كأنها ريحة مسمار مصدي من ثلاثين سنة
عشان كذا كنت اكره الخلطة ذي كثيير ههههه

صديقة لي دائما تحرضني ع الصبغات والكريمات وفرد الشعر والخ مرة اصرت علي
قالت لي نفسي اشوفك صابغة شعرك يوم
قلت لها خلاص ولا بزعلك بصبغه
وفعلا عملتها
ورحت عندها
وتشوفني وين الصبغة
صبغت اسود

يع يع اكره الشعر المصبوغ واكره العدسات
واكره اي شي يغير ملامح الوجه
او اي جمال طبيعي