لا تنطرينه ... !

مدخل :

أحببتي شخص صعب إنه يحب
وسهل إنه يفارق..


إللي يحبك راح لا تنطرينه..
لو إن لك في قلبه اليوم وحشه..

سنه وخمس شهور ماتت بعينه..
وصارت مشاعر عاشقي وسط نعشه..

صحيح قلبي ماتحمل ونينه..
وصحيح راسي مارقد فوق فرشه..

كانت أحاسسيسي معه في يدينه..
إلين ياروحي تجرعت بطشه..

كنت أحسب إني في أيادي أمينه..
وكنت أحسب إني في عيونه ورمشه..

عيني بعد ماراح صارت حزينه..
وقلبي بعد ماراح يشعر بدهشه..

قد كان غالي ومدري اليوم وينه..
وقد كان قلبي مجلس(ن)له وعرشه..

خدشت قلب إللي يحب وحنينه ..
وقمت أتباها في حياتك بخدشه..

كتبت فيهم شعر من قو زينه..
تشعر من أبيات القصيده برعشه..

تدرون وش ردوا على كاتبينه..
"ماتت مشاعرنا" جدوب(ن) وعطشه..

وإللي يحب اليوم لا تنطرينه..
لو إن لك في داخل القلب وحشه..

مخرج:

الى مشاعرنا الميته فلترقدي بسلام

اهلا بك اخي بونوره

وشكرا لردك

ربي يحفظك

شكرا لك على كرم الحظور وجمال الرد

بوركتي