***دردشة الاعضاء.. ملتقى المسك..*** - الصفحة 41 - منتديات مسك الغلا

**غير مهم** · 03-28-23, 04:16 AM


	المشاركة الأصلية كتبت بواسطة زهرة الثلج


	سمعت انو ب علم النفس، في مادة بالدموع..لما يبكي الانسان بيتخلص وبالتالي بتساعد ع التخفيف من آلامه. انا بنصح بالبكي لكن حسب الموقف وبشي معقول . طيب لو كان لك صديق بدو يفرغ يلي بقلبه ومليان مشاكل.. بدو يحكيا ل حدا ؟ هل بتنصحه يحكي لحدا ؟ بركي حكا لاشخاص..عملو له مشاكل لاحقة ! انا احيانا بجي بدي احكي لحدا يلي جواتي...ما بعرف ب مين بثق ؟ شو بتنصح؟ لا الكبت كويس. والفضفضة احيانا مؤذية.. ! شو نعمل ؟

صحيح الناس حاليا كتير بتعاني من مشاكل قلة الثقة لذلك بيكبتو أكثر، وبحاول الشخص يلاقي حلول أو شخص يقدر يثق فيه أو يدور عمكان يحكي فيه مثل هالمنتدى ( متل ما قلت سابقا طرق أخرى للتفريغ ) وطبعا في طرق أخرى سوداوية بعض الشيء فما لح أدخل فيها حاليا.
أنا عن نفسي إذا حدا بحكيلي بحاول أسمع أكثر مما احكي وأعطي حلول لأنو بلاقي الشخص مو محتاج مساعدتي وحلول إنما بس يفضفض مو أكثر.

**زهرة الثلج** · 03-28-23, 04:19 AM


	المشاركة الأصلية كتبت بواسطة غير مهم


	صحيح الناس حاليا كتير بتعاني من مشاكل قلة الثقة لذلك بيكبتو أكثر، وبحاول الشخص يلاقي حلول أو شخص يقدر يثق فيه أو يدور عمكان يحكي فيه مثل هالمنتدى ( متل ما قلت سابقا طرق أخرى للتفريغ ) وطبعا في طرق أخرى سوداوية بعض الشيء فما لح أدخل فيها حاليا. أنا عن نفسي إذا حدا بحكيلي بحاول أسمع أكثر مما احكي وأعطي حلول لأنو بلاقي الشخص مو محتاج مساعدتي وحلول إنما بس يفضفض مو أكثر.

هل انت بتعترف بالخطأ او بتعترف بمشاعرك ( مش شرط ل حبيب..يمكن صديق ..ويمكن مشاعر غضب او ألم ..) ؟ ..او نص ونص.. او احيانا ؟..

**غير مهم** · 03-28-23, 04:47 AM


	المشاركة الأصلية كتبت بواسطة زهرة الثلج


	هل انت بتعترف بالخطأ او بتعترف بمشاعرك ( مش شرط ل حبيب..يمكن صديق ..ويمكن مشاعر غضب او ألم ..) ؟ ..او نص ونص.. او احيانا ؟..

بعترف لنفسي في أخطاء تخصني، وبعترف بخطئي لغيري في حال غلطت مع حدا وبعتذر، بس قصة الإعتراف بالمشاعر لا بصراحة ما إلي فيها. أنا شخص مباشر بديق خلقي من المتاهات واللف والدوران.

**زهرة الثلج** · 03-28-23, 02:52 PM


	المشاركة الأصلية كتبت بواسطة غير مهم


	بعترف لنفسي في أخطاء تخصني، وبعترف بخطئي لغيري في حال غلطت مع حدا وبعتذر، بس قصة الإعتراف بالمشاعر لا بصراحة ما إلي فيها. أنا شخص مباشر بديق خلقي من المتاهات واللف والدوران.

انا ما فهمت جوابك هوني..

بتئول بدييء خلئك من اللف والدوران..

يعني انت بتعترف بشكل مباشر بمشاعرك ازا كنت ( غضبان زعلان عشقان ..الخ ) .. والا.. بدييء خلئك من الطرف التاني انه ما يلف ويدور ؟
Sorry for misunderstanding!!

**غير مهم** · 03-28-23, 02:58 PM


	المشاركة الأصلية كتبت بواسطة زهرة الثلج


	انا ما فهمت جوابك هوني.. بتئول بدييء خلئك من اللف والدوران.. يعني انت بتعترف بشكل مباشر بمشاعرك ازا كنت ( غضبان زعلان عشقان ..الخ ) .. والا.. بدييء خلئك من الطرف التاني انه ما يلف ويدور ؟ sorry for misunderstanding!!

لا لا ما قصدي عالمشاعر أبدا، إنما حكيي عن الطرف الثاني.

**زهرة الثلج** · 03-28-23, 03:02 PM


	المشاركة الأصلية كتبت بواسطة غير مهم


	لا لا ما قصدي عالمشاعر أبدا، إنما حكيي عن الطرف الثاني.

طيب جاوب سؤالي اذن عن نفسك ..وهل نوعك بتعترف بالمشاعر بشكل مباشر او تعترفه ضعف وكبرياء؟ ( للتأكيد..ما بقصد مشاعر غرام بالذات. يمكن مشاعر خوف، حزن، غضب..الخ )

\| أصدقاء منتدى مسك الغلا \|
مدونة مسك الغلا	مدونات	خطوط عربية	تحميل خطوط	صور سكرابز	خطوط انجليزية
	شات الرياض		شات كتابي	شات سعودي للجوال