هزَّة رِيح .

تخيلوا نقول لاقارب لنا
تعالوا اسمروا وتقهوو
نقصد مغربيه
ساعه وخلصنا
وش قالوا
قالوا ماعليه بنشوف لينا الليل
وقت ونجيكم

وللحين ماشرفوا ولاعرفنا بيجون او لا
يعني ننتظر على حسب مزاجهم

الله يسامح نبع الحنان
لازم تنشب

تقول فشله جيرانا واقاربنا
وجايين من سفر

علينا ننتظر مقابلين القهوه ونطفح ونسف شاهي

لما ترتبط الدموع بالقوه
فالافضل مانخبئها
ارتبطت امورنا ومشاعرنا
واحاسيسنا بالدموع

لمره واحده جربت دموع فرح
كنت ما اتخيل فيه فعلا دموع فرح
لكن فعلا بكيت فرحه لامر تحقق ببالي

ولما نجي للدموع ارتبطت عند الكثير بالضعف
ما انكر ان لها جانب ضعيف
او ممكن تظهرنا بمظهر ضعف
ع الاقل قدام حالنا


لكن كثير احيان نبكي قوه
عني كثير من الدموع كانت قوه
بالعكس دموع الضعف كنت اخبيها
ابكيها بعيد عن الكل

لما تواجه احد اقوى منك وتطلع كل ماعندك من كلام
وانفعال في محاولة اخذ حقك وتسكيته
ممكن بعدها تنهار بالدموع

هذي ظاهرها ضعف وباطنها قوه

بيوم من الايام استدعتني المديره
لمشكله صارت اول مادخلت
وحطيت عيني بعينها حاولت اكون قويه قد ما أقدر
بديت ادافع وصوتي يعلى لان هذا طبعي
ان زعلت او عصبت
هالامر زعلها وقالت اسكتي
سكت وبديت ابكي وفي غصه

لكن اعترف ان هالدموع قوه

أبوي الله يرحمه
كان قوي وهيبه
لكن بحكم زواجه من ثنتين
لابد من وجود امور بالبيوت
وكنت اواجه أبوي

اخواني يقدرون يواجهون
لكن مايبون زعله
بكل مره اواجه واخواني يقولوا لاتعيديها
والمشكله اعيدها
لانها ردات فعل مالنا يد فيها


فلا تظن ان هُناك من لايبكي
مهما كانت قوته

الفزعه الفزعه
اني اتعرض للتهديد

اهلا ياحلوه قصدي ياقوووه
طبعا هالتقييم من وحده ع موضوع الدموع فوق

اتفق معاك انها ضعف ويع يالشعور
وبايخه وتوجع وتنرفز لدرجة انو احيان
اكره حالي وودي اخنقها

لكن عندي ابكي بعد ما اواجه واخذ حقي
وافرض رايي او ادافع عن احد من اهلي

ولا انو اسكت وحقي يضيع وحق امي
او احد غالي علي

واروح ابكي بروحي ليش لان ماقدرت اخذ حقي
بس خبيت دموعي وبكيت بدون احد يشوف

لا ماعليه القوه بالحق صدقيني
حتى لو جات معاه دموع

ولا السكوت واقعد اكل بحالي واحرق بقلبي
وانا ساكته

وبالنهايه انا ببكي ببكي